Sabr Eman Ka Juz Hai - Article No. 1101

حکایات رومی رحمتہ اللہ علیہ :
جو آنکھیں اللہ عزوجل کے نور کونہ دیکھ پائیں ان آنکھوں سے اندھا ہونا بہتر ہے اپنے مرشد پاک سے روح کی زندگی طلب کرو۔ اگر تم دربارحق میں حاضر رہو گے تو معاش کی فکرنہ ہوگی۔ صدافسوس ہے اس پر ہی جس نے آب حیات دینے والے مسیحا کو توپایامگر اس سے روح نہ مانگی ۔ اپنے تصورات وخیالات ہی دنیا کو راحت یا عذاب بناتے ہیں۔ صبر کاپھل اچھاملنے کا خیال ہی صبر کو میٹھا بنادیتا ہے۔

(جاری ہے)

آگے کاایمان اور بھروسہ ہوتو صبرایمان کا جزو ہے جبکہ لالچ اندھی تقلیدکرواتا ہے ۔ لالچ منافقت کرواکردل کے آئینہ کو خراب کردیتی ہے ۔لالچ سے آنکھ ‘ کان ‘ ناک ‘ منہ اور دل بندہوجاتے ہیں۔
مقصود بیان :
مولانامحمد جلال الدین رومی رحمتہ اللہ علیہ بیان کرتے ہیں کہ اگر تمہاری آنکھیں حقیقت سے ناآشناہیں تو پھر ایسی آنکھوں کا کیا فائدہ ؟ تم اپنے مرشد پاک سے وہ آنکھیں طلب کرو جس سے تم حقیقت کو جان سکو اور لالچ ومنافقت سے اپنے دل کو پاک رکھو کہ اس سے دل کا آئینہ دھندلا جاتا ہے اور پھر تم اس میں جو عکس دیکھتے ہو وہ تمہیں واضح دکھائی نہیں دیتا۔