پاکستان میں آن لائن ریٹیل سہولتیں پیش کرنے کیلئے یونی لیور کا daraz.pk سے معاہدہ،صارفین کو آن لائن پورٹل سے یونی لیور کی بیوٹی اور دیگر متعلقہ مصنوعات کی وسیع ورائٹی دستیاب ہوگی

جمعرات 31 جولائی 2014 15:44

کراچی(اُردو پوائنٹ اخبار تازہ ترین۔31جولائی۔2014ء) یونی لیور پاکستان نے صارفین کو پہلی مرتبہ آن لائن ریٹیل سہولتیں پیش کرنے کیلیے ایف ایم سی جی سیکٹر میں daraz.pk کے ساتھ شراکت داری کا معاہدہ کیا ہے۔جس کے تحت صارفین کو آن لائن پورٹل سے یونی لیور کی بیوٹی اور دیگر متعلقہ مصنوعات کی وسیع ورائٹی دستیاب ہوگی۔ یہ اقدام یونی لیور کے گلوبل ای کامرس ویڑن کا حصہ ہے جس میں ای کامرس کے ذریعے ا?مدن میں اضافے پر توجہ مرکوز کی گئی ہے۔

پاکستان دنیا کے ان ملکوں میں شامل ہے جہاں موبائل اور انٹرنیٹ کا استعمال بہت زیادہ ہے اور یہاں ای کامرس کے شعبے میں مارکیٹ کی بڑی گنجائش موجود ہے۔ daraz.pk کے ساتھ شراکت داری سمیت اس نوعیت کے کئی دیگر منصوبے امسال شروع ہو جائیں گے۔یونی لیور پاکستان لمیٹڈ کے وائس پریذیڈنٹ (کسٹمر ڈیولپمنٹ) عامر پراچہ نے اس معاہدے پر روشنی ڈالتے ہوئے بتایا کہ ایک ترقی پذیر ملک ہونے کے باوجود پاکستان میں نئی اختراعات کی کافی گنجائش موجود ہے۔

(جاری ہے)

ایک اندازے کے مطابق اگلے 5 برسوں میں ای کامرس کے ذریعے پاکستان میں 4 ارب روپے کے ٹرن اوور کا امکان ہے اور اس میں سے ایک بہت بڑا حصہ بیوٹی اور پرسنل کیئر کی مصنوعات کا ہوگا۔ جہاں تک یونی لیور کا تعلق ہے ہم ای کامرس کی ایک پوٹینشل پر یقین رکھتے ہیں اور صارفین تک پہنچنے کیلیے اسے ایک اہم ذریعہ بنانے کے لیے کام کر رہے ہیں۔

Browse Latest Business News in Urdu