اشیاء:
چینی کھانے کے چھ چمچ
مکسڈ فروٹ ایک ٹن
گلیزڈ چیریز دس عدد
میدہ ایک سو گرام
بیکنگ پاؤڈر چائے کا ایک چمچ
چینی(پسی ہوئی) ایک سو گرام
مکھن(نرم کیا ہوا) ایک سو گرام
انڈے دو عدد
ترکیب:
کھانے کے چھ چمچ چینی کو کھانے کے چھ سات چمچ پانی میں ملائیں اور سنہری رنگ کا سیرپ بنا لیں۔ چینی کا سیرپ ٹھنڈا ہو جائے تو اس کو چکنی کی ہوئی ٹرے کے پیندے میں پھیلائیں ۔ پھلوں کو سیرپ پر تر تیب سے لگائیں۔ پھرایک تہہ چیریز کی تر تیب سے لگائیں۔ میدے کو بیکنگ پاؤڈر کے ساتھ چھان لیں۔ اس میں مکھن، چینی اور ہلکے سے پھینٹے ہوئے انڈے شامل کر یں۔ اس مرکب کو پھلوں کے مرکب پر پھیلائیں ۔ اوون کو پہلے سے گرم کر لیں اور اس میں پڈنگ کو بیک کر لیں۔ ایک سلائس (Knitting needle)اس میں گھسائیں۔ اگر سلائی صاف ستھرے نکلے تو پڈنگ کو اوون سے نکال لیں ۔ سانچے سے نکالیں اور یخ بستہ کر لیں۔ پھینٹی ہوئی کریم یا کسٹرڈ کے ساتھ پیش کر یں۔