اشیاء:
بغیر چربی قیمہ آدھا سیر
کشمش آدھی چھٹانک
کیوڑہ چار بڑے چمچ
الائچی چھوٹی پانچ عدد
پیاز آدھا پاؤ
گرم مصالحہ ایک تولہ
گھی ایک پاؤ
بادام آدھی چھٹانک
زعفران دو ماشے
پستہ آدھی چھٹانک
دال چنا ایک چھٹانک
نمک مرچ حسب ذائقہ
ترکیب:
دیگچی میں قیمہ اور تھوڑے تھوڑے تمام مصالحے، دال چنا اور ایک پیالی پانی ڈال کر ہلکی آگ پر پکنے دیں۔ پانی جب خشک ہو جائے اور قیمہ اور دال اچھی طرح گل جائے تو قیمہ کو تھوڑا سا خشک کرنے کے بعدمسل کر باریک پیس لیں۔ اس کے بعد بادام کو باریک باریک کاٹ لیں پھر پیاز اور بعد میں کشمش کو گرم گھی میں تل لیں۔ پھر ان سب کو قیمہ میں ملا دیں اور ان کے کوفتے بنا لیں۔ پھر انڈا اور ڈبل روٹی کا چورا کوفتوں پر لگا کر ان کو اچھی طرح سے تل لیں۔ باقی مصالحوں کا ہلکا گاڑھا مصالحہ بنا لیں۔ (نیم شوربا) اور اس میں کوفتے رکھ دیں۔ ایرانی کو فتے تیار ہیں۔