سامان:
سیب دو عدد میڈیم سائز
لیمن جوس دو ٹیبل سپون
ٹماٹر دو عدد میڈیم سائز
گاجر ایک عد دمیڈیم سائز
اورنج (مالٹا) ایک عدد میڈیم سائز
دھنیا سبز(پتے) کپ
پودینہ سبز (پتیاں) کپ
پیاز دو عدد میڈیم سائز
کھمبیاں گول(تازہ) آٹھ سے دس عددتک
سلادکے پتے آٹھ عدد
سرخ مرچ ثابت دو عدد
سلاد کا تیل ایک ٹیبل سپون
نمک حسب ذائقہ
لوبیا 3/4کپ
ترکیب:
1۔ سیبوں کو اچھی طرح دھو کر صاف کر لیں ، صاف کر نے کے بعد سیب کا اندرونی حصہ صاف کر کے درمیان میں سے چوتھائی حصہ سیب کی جلد کے ساتھ ہی کاٹ لیں اورٹکڑے بنا لیں ، اور ان ٹکڑوں میں تھوڑا سالیمن جوس ملا کر مکس کر لیں۔ اسی طرح ٹماٹر وں کو اچھی طرح سے صاف کر کے د ھو لیں اور درمیان میں سے کاٹ کر چوتھائی حصے میں تقسیم کر دیں اور ایک ٹماٹر کے چار ٹکڑے کر لیں۔
2۔گاجر کو وافر پانی سے دھو کر اچھی طرح خشک کر کے لمبائی کے رخ کاٹ لیں ۔ گاجر کو کانٹے سے پہلے اچھی طرح چھیل لیں۔ مالٹے کو چھیل کر اس میں سے اس کے بیج نکال دیں اور مالٹے کو خشک ہونے دیں ۔ اب مالٹے کو دو حصوں میں کاٹ لیں۔
3۔ سبز دھنیے اور پودینے کے پتے توڑ کر اچھی طرح صاف کر کے پانی کی وافر مقدار میں دھو لیں۔ سبز پتوں والا پیاز لے کر اس کو اچھی طرح صاف کر کے دھو لیں اور اس کو اس کے پتوں کے ساتھ ہی کاٹ کر ٹکڑے بنا لیں ۔
4۔کھمبیوں (مشروم ) کو جلدی سے دھو کر خشک کر لیں اور اس کو ٹکڑوں میں تقسیم کر دیں۔ ان کو لیمن جوس کے ساتھ مکس کر یں گے تو ان کا رنگ تبدیل ہو جائے گا۔
5۔سلاد کے پتے اچھی طرح ٹھیک کر کے پانی کی وافر مقدار میں دھو لیں اور خشک ہونے دیں ا س کے بعد ان پتیوں کو صاف کر لیں ۔ پتوں کو ٹھنڈے نرم اور تازہ ہو جائیں تو سرخ مرچ(ثابت ) لے کر اس کو اچھی طرح سے صاف کر لیں۔ پتوں کو ٹھنڈا کرنے کے بعد ڈش پر بچھا دیں۔ سرخ مرچوں کو ٹھنڈے پانی میں ڈال دیں ، کچھ دیر کے بعد نکال کر الگ رکھ لیں، تاکہ بعد میں اس کا چھلکا اتار نے میں کوئی مشکل پیش نہ آئے۔
6۔سلاد کا تیل سرخ مرچ چھلکے کے بغیر توڑا ہوا سبز دھنیا اور پودینے کی پتیاں لے کر ان پر بچا ہوا لیمن جوس ڈال کر ان کو اچھی طرح سے مکس کر لیں ، اور ذائقے کے لئے تھوڑا سا نمک بھی شامل کر دیں اور تیزی سے ہلائیں ۔
7۔سلاد کے برابر پتے لے کر ان کو ایک ہی طرح کے سائز میں کاٹ کر الگ الگ ٹکڑے بنا لیں تاکہ بعد میں یہ پتے ڈش کو ڈھانپنے میں کام آئیں گے اور ان پتون کا چوتھا حصہ سجاوٹ کے کام آئے گا۔
8۔سلائس بنائے ہوئے سیب ابلاہوا لوبیا سلائس بنائے ہوئے مالٹے کے ٹکڑے سلائس بنائی ہوئی گاجریں سلائس بنائی ہوئی کھمبیاں سلائس بنائے ہوئے ٹماٹر اور سلائس کئے ہوئے پیاز (سبز) کے ٹکڑے ان سب کوایک ساتھ ملا کر اکٹھا کر لیں ۔
9۔جس پلیٹ میں سلاد کے پتے چاہتے ہوں اس میں سلاد کے پتے بچھا لیں اور ان سب چیزوں کو اس پر خوبصورتی سے سجا دیں اور اس ڈش کو جلدی سے جلدی کھانے کے لئے پیش کریں ۔
غذائیت:
کیلوریز (حرارے) 135
پروٹین 3.1
چکنائی 5.5
کاربوہائیڈریٹس 20.7
فلائبرز(ریشے) 2.2