سامان:
مکئی کے دانے (ثابت ) دو کپ
شملہ مرچ (پیلی) ایک عدد میڈیم سائز
شملہ مرچ (سبز ) دو عدد میڈیم سائز
انناس چار عدد ٹکڑے
ٹماٹر تین عدد میڈیم سائز
سبز مرچیں ایک سے دو عددتک
پودینے کی پتیاں کپ
کالی مر چ کے دانے(ثابت) 15سے20عددتک
لیمن جوس دو ٹیبل سپون
نمک حسب ذائقہ
ترکیب:
1۔مکئی کے دانے اچھی طرح صاف کر کے دھو لیں اور نمکین پانی میں نرم ہونے تک ابال لیں۔ جب نرم ہو جائیں تو جلدی سے اتار کر ٹھنڈا ہونے کیلئے ایک طرف رکھ دیں۔ اگر آپ نے میٹھے دانے بنانے ہوں تو اسی طرح ابال کر خوش ذائقہ بنا سکتے ہیں۔ لیکن استعمال سے پہلے اچھی طرح دھو لیں ۔
2۔شملہ مرچ پیلی اور شملہ مرچ سبز دونوں کو اچھی طرح دھو لیں اور درمیان میں سے ایک سنٹی میٹر کے ٹکڑے کاٹ لیں۔ اسی طرح سے انناس کے ٹکڑے بھی ایک سینٹی میٹر کے برابر کاٹ لیں۔
3۔ٹماٹر کو اچھی طرح سے دھو لیں اور درمیان میں سے ایک چوتھائی میں بیج نکال کر خشک کر لیں اور ایک سینٹی میٹر سائز کے ٹکڑے بنا لیں۔
4۔سبز مرچیں اچھی طرح بغیر وافر پانی سے دھو کر خشک کر لیں ، اس میں بیج نکال کر اس کو باریک باریک کاٹ لیں ۔ اسی طرح پودینے کی پتیاں صاف کر کے دھو لیں ۔ کالی مرچ کے دانے بھی صاف کر کے رکھ لیں۔
5۔مکئی کے دانوں کے ساتھ شملہ مرچ پیلی اور شملہ مرچ سبز ٹماٹر اور انناس کو الگ الگ رکھ دیں اور چند منٹوں کے لئے خشک ہونے دیں ۔ اس کے بعد ایک پلیٹ میں خوبصورتی سے سجا کر ایک طرف کرلیں اور اس کے بعد اس میں لیمن جوس چھڑک دیں اور پسی ہوئی کالی مرچ ،سبز مرچ جو پہلے سے کاٹ کر رکھی ہواور پودینے کی پتیاں اس میں شامل کر دیں۔
6۔استعمال سے پہلے اس ڈش کو چند منٹوں کے لئے ٹھنڈک میں رکھ دیں، اس کے بعد استعمال کر یں۔
غذائیت:
کیلوریز (حرارے) 60
پروٹین 2.2
چکنائی 0.4
کاربوہائیڈریٹس 13.5
فلائبرز(ریشے) 1.1