اشیاء:
پالک (کٹی ہوئی) ایک کپ
میتھی کے پتے کپ
مٹر کپ
فارس بین کپ
ہرے دھنیے کے پتے کپ
خالص تیل ایک چائے کا چمچ
اجوائن چائے کا چمچ
ہری مرچ (چھوٹی ) ایک عدد
ادرک پیسٹ چائے کا چمچ
نمک چائے کا چمچ
آٹا 250گرام
ترکیب:
پتوں والی تمام سبزیوں بین اور ہری مرچ کو صفائی سے کاٹ لیں۔ پالک میتھی مٹر بن اور ہرے دھنیے کے پتوں کو پانی کے بغیر سٹیم دیں۔ پھر اُن کا پانی نچوڑ کر پانی محفوظ کر لیں۔ ایک کڑاہی میں تیل گرم کر یں اور اجوائن اور ادرک کی پیسٹ ڈال کر چمچ سے ہلاتے ہوئے پکا ئیں پھر سبزیاں ڈال کر اتنا پکا ئیں کہ خشک ہو جائیں ، آپ اس سٹیج پر تھوڑا سازیرہ پاؤڈر اور ایمچور بھی ڈال سکتے ہیں۔
آٹے کو چپاتیوں کے انداز میں گوندھ لیں ، اس مقصد کے لئے سبزیوں کا پانی استعمال کر یں۔ پھر اس آٹے کو گیندوں کی صورت میں تقسیم کر یں ، خیال رہے کہ گیند چپاتیوں کے لئے گوندھے جانے والے پیڑوں سے نسبتاََ بڑے ہوں۔ پھر انہیں گولائی کے انداز میں بیلن کے ذریعے رول کر یں اور اندر سبزیاں بھر کر دوبارہ گیندوں کی صورت دے دیں۔ اس کے بعد احتیاط سے چپاتیوں کے انداز میں رول کر یں، خیال رہے کہ اندر ونی سبزیاں باہر نہ نکلیں ۔ پھر درمیانی آنچ پر تویٰ گرم کر کے روٹیاں اتنی پکا ئیں کہ ان پر بھورے دھبے دونوں طرف سے نظر آنے لگیں ۔ گرم گرم پیش کر یں۔