اشیاء:
دودھ ایک لیٹر
کسٹرڈ پاؤڈر کھانے والے چار چمچے
انڈے دو عدد
چینی 250گرام
کریم 100گرام
ترکیب:
دودھ کو ایک دیگچی میں ڈال کر چولہے پر چڑھا دیجئے اورپکنے دیجئے دودھ پک پک کر تین چوتھائی رہ جائے تو اس میں چینی ڈال دیجئے۔ کسٹرڈ پاؤڈر کو تھوڑے سے دودھ میں اچھی طرح گھول لیجئے اور پکتے ہوئے دودھ میں تھوڑا تھوڑا کر کے ڈالتے جائیے اور ساتھ چمچہ ہلاتے رہیے۔ آگ دھیمی ہونی چاہیے۔ ورنہ کسٹرڈ نیچے لگ جائے گا۔انڈوں کو کسی برتن میں پھینٹ لیجئے اور دودھ والی دیگچی میں ڈال کر خوب چمچہ چلائیے تاکہ سب چیزیں اچھی طرح حل ہو جائیں ۔ کسٹرڈ جب ذرا گاڑھا ہو جائے تو اتار لیجئے اور حسب پسند برتن میں ڈال لیجئے۔جب ٹھنڈا ہو جائے تو کریم کو خوب پھینٹ کر اس کے اوپر ڈال دیجئے۔