زردہ
اشیاء:
چاول آدھ کلو
چینی ڈیڑھ پاؤ
گھی تین چھٹانک
گری بادام چھلی ہوئی آدھی چھٹانک
مغز اخروٹ ایک چھٹانک
ناریل ایک چھٹانک
کشمش آدھی چھٹانک
سبز الائچی چند عدد
زعفران ایک چٹکی
کیوڑا ایک بڑا چمچ
تھوڑا سا زردہ پکانے والا رنگ
مالٹے کا چھلکا اندر سے صاف کر کے اور باریک کتر کے ایک چمچ
ترکیب:
چاول صاف کر کے ایک لٹر پانی میں ڈالیں اور آدھ گھنٹہ تک بھگوئے رکھیں آدھ لٹر پانی میں چینی ڈال کر چولہے پر چڑھا دیں چینی کا پانی خشک ہو کر تار بن جائے تو اتار لیں کشمش بھی پانی میں بھگو دیں مغز اخروٹ بھی صاف کر لیں اور ناریل باریک کتر لیں۔ پتیلے میں ایک لیٹر پانی ڈال کر چولہے پر چڑھا دیں پسی ہوئی زعفران اور زردہ پکانے والا رنگ ڈال دیں اور پانی تھوڑا رہ جائے تو نچوڑ کر چاول طشتری میں انڈیل لیں۔ اسی طرح پھیلائیں کہ باقی پانی بھی خشک ہو جائے۔ دیگچے میں گھی ڈال کر چولہے پر رکھیں اور اسی میں سبز الائچی اور لونگ ڈال کر تل لیں۔ بادام، اخروٹ، ناریل، کشمش ، مالٹے کا چھلکا اور چاشنی بھی ڈال دیں۔ جب میوہ اور چاشنی چمک دینے لگے تو چاول ڈال دیں۔ کیوڑا ملا کر دم پر رکھ دیں اور پندرہ منٹ بعد پلیٹ میں نکال لیں۔ چاندی کے ورق لگائیں اور کشمش ، بادام وغیرہ سجا لیں۔
