اشیاء:
پالک تین پاؤ
سویا آدھ پیالی
نمک آدھ چمچ
کریم ایک تہائی پیالی
تیل ایک چمچ
سرسوں کے بیج چوتھائی چمچ
سفید زیرہ چوتھائی چمچ
ثابت سرخ مرچ دو عدد
ترکیب:
سب سے پہلے پالک اور سویا خوب اچھی طرح دھو لیں اس کے بعد پالک کو موٹا موٹا کاٹ لیں سویا بھی کاٹ لیں دونوں کی ڈنڈیاں الگ کر دیں۔ اس کے بعد ان دونوں کو ایک بڑی پتیلی میں ذرا دھیمی آنچ پرپکنے کے لئے رکھ دیں اس میں پانی نہ ڈالیں پالک خود اپنے پانی میں پک جائے گی دو تین مرتبہ چمچ سے ہلا جلا دیں تقریباََبیس منٹ میں پالک اور سویا پک جائے گا۔ پتیلی کو ڈھکنا ضروری ہے جب پالک گل جائے تو ڈھکنا کھول کر اس میں نمک اور کریم ملا دیں آنچ تھوڑی تیز کر دیں تاکہ زیادہ پانی ختم ہو جائے پالک ہلکی گیلی رہے بس اتنا پانی باقی رہنا چاہیے۔ تیل کو چھوٹے سوس پین میں گرم کر لیں اس میں سرسوں کے بیج اور سرخ مرچ ڈال دیں جب بیج چٹخنے لگیں تو یہ تیل ، مرچ اور بیجوں سمیت پالک میں ڈال دیں اور چمچ سے تیل اور پالک کو ملا کر ڈھکنا ڈھانپ دیں۔ یہ سبزی ابلے ہوئے چاولوں کے ساتھ کھانے میں مزیدار لگے گی۔