اجزاء:
دہی تین کپ
خشخاش ایک کھانے کا چمچ
شیشم کے بیج ایک کھانے کا چمچ
زیرہ ایک چائے کا چمچ
ثابت دھنیا کھانے کا چمچ
چاٹ مصالحہ ایک چائے کا چمچ
نمک چٹکی بھر
کالی مرچ (تازہ پسی ہوئی) ایک کھانے کا چمچ
خشک میوہ جات (کٹے ہوئے) تین سے چار کھانے کے چمچ
ہرے دھنیے کے پتے 1/3کپ
ترکیب:
دہی پنیر تیار کر نے کے لئے گھر بنے دہی (بالائی کے بغیر دودھ سے تیار کر دہ ) کو ململ کے کپڑے میں باندھ کر چھ سے آٹھ گھنٹے تک لٹکائے رکھیں تاکہ پانی مکمل طور پر خشک ہو جائے۔ آپ چاہیں تو چند بار کپڑے کو تھوڑا سا نچوڑ بھی سکتے ہیں تاکہ پانی نکلنے کا عمل ذرا تیزی سے مکمل ہو سکے۔ اس کے بعد آپ اسے اتنی دیر ریفریجریٹر میں رکھیں جتنی ضرورت ہو۔ آپ یہ سارا کام دو دن پہلے سے مکمل کر سکتے ہیں۔ خشخاش اور شیشم کے بیجوں کو الگ الگ خشک بھون لیں۔ ثابت دھنیا اور زیرہ اس قدر بھون لیں کہ وہ اپنی خوشبو چھوڑ دیں۔ پھر انہیں پیس کر پاؤڈر کی صورت دے لیں۔ پھر اس ثابت دھنیے اور زیرہ کے پاؤڈر کو چاٹ مصالحہ، نمک اور کالی مرچ ملا کر ایک باؤل میں ڈال دیں۔ پھر دہی پنیر ملا کر اچھی طرح مکس کر لیں۔ خشخاش شیشم کے بیجوں خشک میوہ جات اور ہرے دھنیے کو چار مختلف پلیٹوں میں ڈالیں۔ اسی طرح پنیر کے بھی چار حصے کر لیں۔ ایک پیمانے کا چمچ لے کر تقریباََ نصف کھانے کا چمچ دہی پنیر (پہلے حصے سے لیکر) 9برابر حصوں میں تقسیم کر کے خشخاش شیشم کے بیج خشک میوہ جات اور ہرے دھنیے کے آمیزہ کو بھی اسی طرح دہی پنیر کے ساتھ شامل کر لیں۔ (یوں دہی پنیر کے چاروں حصوں سے کل 36بالز بن جائیں گے)۔ احتیاط سے ان بالز کو کوٹنگ میں ا س طرح ریفریجریٹر میں رکھا رہنے دیں۔
یہ سنیک آپ دو پہر اور رات کے کھانے کے درمیان بھوک لگنے پر نوش کر سکتے ہیں ۔ آپ انہیں کسی پارٹی میں سپیشل ڈش کے طور پر بھی پیش کر سکتے ہیں۔