مرغ کا قورمہ
اشیاء:
مرغ ایک عدد
لہسن نوجوے
گھی تین چھٹانک
زیرہ سیاہ دو تولہ
پساہوا خشک دھنیا تین چٹکی
لونگ چھ عدد
بڑی الائچی تین عدد
زعفران تھوڑی سی
پیاز تین چھوٹی پوٹیاں
ادرک ایک چھوٹی گانٹھ
دہی آدھا پاؤ
سفید زیرہ تین تولہ
کالی مرچیں چھ عدد
دار چینی ایک چھوٹا ٹکڑا
چھوٹی الائچی پانچ عدد
ترکیب:
مرغ کے گوشت کے مناسب سائزکے پارچے بناکر انہیں چند گھنٹے تک کسی ٹھنڈی جگہ میں رہنے دیں۔(لیکن اگر گرمیوں کا موسم ہو تو انہیں فوراًپکائیں)پیاز لچھوں کی شکل میں کاٹ لیجئے۔ادرک،لہسن، لال مرچ، سفید اور سیاہ زیرہ، خشک دھنیا، کالی مرچ اور الائچیوں کو باریک پیس کر ان کا مصالحہ تیار کر لیجئے۔ اب گھی گرم کر کے اس میں پیاز کے لچھے لال کر کے نکال لیجئے۔ اب گھی گرم کر کے اس میں پیاز کے لچھے لال کر کے نکال لیجئے۔ مرغ کے پارچے ثابت لونگ اور دار چینی ڈال کر ہلکی آنچ پر لال کر لیجئے۔ پھر دہی ڈال کر بھوئیے۔ چند منٹ تک بھوننے کے بعد پسا ہوا مصالحہ بھی ڈال دیجئے اور پیاز کے لال کئے ہوئے لچھے پیس کر ملا دیجئے گوشت بھن چکنے کے بعد پانی مناسب مقدار میں ڈال کر اسے گلا لیجئے ۔ حسب پسند شوربہ رکھ لیجئے۔ چھوٹی الائچیاں اور زعفران پیس کر ڈالنے کے بعد تناول فرمائیے۔
