اشیاء:
چکن بون لیس ایک کلو
پیاز چار عدد در میانی
ہری مرچ چار عدد کٹی ہوئی
سرخ مرچ ایک کھانے کا چمچ
شملہ مرچ آدھا پاؤ
انڈے سخت ابلے ہوئے چار عدد
پسا گرم مصالحہ ایک چائے کا چمچ
ٹماٹر ایک پاؤ
لہسن ادرک پسا ہوا دو چائے کے چمچ
دہی آدھا پیالی
نمک ایک چائے کا چمچ
ہلدی آدھا چائے کا چمچ
سفید مکھن آدھی پیالی
ترکیب:
1۔ایک دیگچی میں مکھن ڈال کر گرم کر یں ساتھ ہی چار ٹماٹر کاٹ کر ڈالیں۔ لہسن ادرک، ہری مرچ اور ہلدی ڈال کر خوب بھونیں جب سب چیزیں یکجان ہو جائیں تو دہی اور چکن بھی ڈال دیں۔
2۔دہی کے پانی میں چکن گل جائے گی، پیاز کی چوکور پر تیں بنا لیں ، ٹماٹر کی پرتیں بنا لیں اور اندر کا گودا نکال دیں۔
3۔چار انڈے بھی ابال کرچوکر کاٹ لیں۔ شملہ مرچ کے بیج نکال کر چوکور پر تین کر لیں۔
4۔جب گوشت گل جائے تو ٹماٹر، شملہ مرچ، پیاز اور انڈوں کو ہانڈی میں ڈال کر گرم مصالحہ چھڑک دیں اور ساتھ ہی ہر ا مصالحہ بھی چھڑک کر پانچ منٹ کے لئے دم دے دیں، چونکہ اس میں گریوی کم ہوتی ہے اس لئے اس کے ساتھ رائتہ ضرور سرو کر یں۔
5۔مکھن کی جگہ آپ گھی بھی ڈال سکتے ہیں لیکن یہ مکھنی چکن جلفریزی مکھن میں بن کر زیادہ مزے دار ہوتی ہے۔