Ras Gulla Recipe In Urdu - Recipe No. 2932

اشیاء:
دودھ ایک کلو
چینی آدھ کلو
ٹارٹرک ایسڈ ایک چٹکی کے برابر
چاولوں کا آٹا آدھ پاؤ
ترکیب:
دودھ کو دیگچی میں ڈال کرچولہے پر رکھ دیں۔ جب یہ پکنے لگے تو اس میں ٹارٹرک ایسڈ ایک چٹکی کے برابر ڈال دیں جب دودھ پھٹ جائے تو اتارلیں اور اس کو باریک کپڑے میں ڈال کر باندھ کر کہیں لٹکا دیں تاکہ پانی نچڑ جائے اور پنیر باقی رہ جائے۔ اب اس پنیر میں چاول کا آٹا ملالیں اور ایک آدمی تسلا لے کر اس کو ہاتھ کی ہتھیلی سے اتنا ملے کی چاول کاآٹا اورپنیر مل کر یک جان ہو جائے۔ اس کو ایک گھنٹہ تک پورے زور سے اسی طرح ملتے رہیں۔ جس طرح سویوں کے لئے میدہ ملا جاتا ہے۔ اب اس کی چھوٹی چھوٹی گولیاں بنالیں اور رکھ لیں اور اس کے بعد چینی میں تھوڑا سا پانی ڈال کر چانشی تیار کر یں۔ ایک تار ہونے پر اس میں رس گلے چھوڑ دیں اور پکنے دیں۔ یہاں تک کہ وہ پھول جائیں۔ جب بالکل نرم پڑ جائیں تو اتار کر ٹھنڈا ہونے کے لئے رکھ دیں۔ آنچ ہلکی ہونی چاہیے تاکہ چاشنی ایک تار سے زیادہ گاڑھی نہ ہو سکے۔ ٹھنڈا ہونے پر تناول کر یں۔ یہ ذائقے میں اپنی مثال آپ ہوں گے۔