Rice And Fish Salad Recipe In Urdu - Recipe No. 858

اجزاء:
چاول ابلے ہوئے 185گرام
ابلے ہوئے انڈے 3عدد
ٹماٹر چھلکا اترا ہوا 2عدد
لہسن پسا ہوا 2کھانے کے چمچ
مچھلی 500گرام
پیازکترا ہوا 1عدد
تیج پات 1عدد
دھنیا پسا ہوا 1عدد
زیرہ پسا ہوا 1چائے کا چمچ
دودھ سوا کپ
ڈریسنگ کے لئے:
لہسن پسا ہوا ایک پوتھی
میونیز 3کھانے کے چمچ
تیار کرنے کا طریقہ:
چاول ، انڈہ ، اور ٹماٹر باریک کترے ہوئے اورلہسن کو پیس کر ایک پیالے میں ڈال کر رکھ دیں۔ایک برتن میں پانی لے کر اسے ابالیں جب پانی کھولنے لگے تو اس میں مچھلی ڈال کر گلائیں ۔ اب اس مچھلی کو نکال کر ایک برتن میں ڈالیں اور اس میں پیاز ، تیج پات ، پسا ہوا دھنیا اور زیرہ ڈال کر اچھی طرح ملائیں۔ پھر اس مکسچر میں دودھ ڈال کر ابالیں ۔ جب مکسچر ابلنے لگے تو ہلکی آنچ پررکھ کر دس منٹ تک پکائیں ۔ مچھلی کو نکال کر ایک برتن میں رکھ دیں ۔ ٹھنڈا ہونے پر اس کی کھال وغیرہ اُتار کر چاول والے برتن میں ملا دیں ۔ڈریسنگ بنانے کے لئے دودھ والے برتن میں سے تیج پات کو نکال دیں اور اس میں لہسن ڈال کر تیز آنچ پر دومنٹ تک پکائیں پھر اس میں میونیز ملائیں اچھی طرح چمچ ہلائیں ۔ برتن کو چولہے سے اتارلیں اور ٹھنڈا ہونے دیں ۔اس ڈریسنگ کو مچھلی والے برتن میں انڈیل دیں ۔ سلاد تیار ہے ۔ اس پر حسب ذائقہ نمک اور لیموں چھڑک کر کھائیں یہ چار افراد کے لئے کافی ہے۔