Gosht Ko Galane Aur Mehfooz Karnay Kay Tarikay Tips in Urdu - Gosht Ko Galane Aur Mehfooz Karnay Kay Tarikay Totkay - Tip No. 4554

Urdu Totkay Gosht Ko Galane Aur Mehfooz Karnay Kay Tarikay گوشت کو گلانے اور محفوظ کرنے کے طریقے (Tip No. 4554) - Kitchen and home tips in Urdu. Easy Totkay and Desi Totkay about Features in Urdu. Everyday Gharelo Totkay for your daily life.

Gosht Ko Galane Aur Mehfooz Karnay Kay Tarikay Recipe In Urdu

گوشت کو گلانے اور محفوظ کرنے کے طریقے کا آسان گھریلو ٹوٹکہ - ٹوٹکہ نمبر 4554

اگر گوشت جلدی نہ گل رہا تو ہانڈی میں کچا پیتا، کچی انجیر ڈال دیں گوشت جلدی گل جائے گا۔
سخت گوشت پکانے سے قبل اگر ایک دو گھنٹے پہلے اس میں چھالیے کے دو موٹے ٹکڑے یا انجیر رکھ دیں تو بھی یہ جلدی پک جائے گا۔
گوشت اگر فریزر سے نکال کر پکانا ہو تو فوراً نکال کر مت پکائیں بلکہ پہلے دو تین گھنٹے پانی میں بھگو کر نرم کر لیں پھر پکائیں۔ وگرنہ گوشت سخت ہو جائے گا۔
کچے گوشت کو اگر زیادہ دن بغیر فریج کے محفوظ رکھنا ہو تو اسے سر کے بھیگے ہوئے کپڑے میں لپیٹ کر رکھیں۔
اگر گوشت بغیر فریج کے ایک دو دن رکھنا ہو تو پہلے نمک ڈال کر گوشت کو اپنے ہی پانی میں پکا لیں پھر دیگچی کو کسی ٹھنڈی جگہ یا ٹھنڈے پانی کے برتن میں رکھ لیں۔
اگر گوشت میں ہلکی سی بو آ رہی ہو تو پانی ملے سرکے میں بھگو دیں۔ پندرہ منٹ بعد پانی نکال کر پکا لیں بو ختم ہو جائے گی۔
اگر گوشت کے سلائسز بنانا مقصود ہوں تو پہلے گوشت کے پارچے کو فریج میں رکھ کر ٹھنڈا کر لیں۔ کیونکہ گرم گوشت کے پارچے ٹھیک نہیں بنتے ہیں۔ اس لئے پہلے ٹھنڈا کر لیں۔
جب آپ گوشت روسٹ کریں تو اس میں جو جوسز نکلیں اسے برتن میں ڈال کر برف ڈال دیں جب تمام چکنائی جم جائے تو اس جوس کو آپ کسی بھی کھانے میں استعمال کر سکتی ہیں۔ یہ چاولوں وغیرہ میں ڈالنے کے کام آ سکتا ہے۔
اگر یخنی کی چکنائی ختم کرنا ہو تو یخنی بنا کر فریج میں رکھ دیں جب چکنائی جم جائے تو وہ چمچ سے نکال دیں اور بغیر چکنائی کے یخنی گرم کر کے پی لیں۔ اس سے وزن نہیں بڑھے گا۔
اگر آپ گوشت کا روسٹ بنانا چاہتے ہیں تو گوشت پر تھوڑا سا سرکہ اور سلاد آئل مل کر دو تین گھنٹوں یا پوری رات کے لئے چھوڑیں۔ صبح جب آپ اسے پکائیں گے تو یہ بے حد نرم اور خستہ بنے گا۔
گوشت کا روسٹ خستہ اور نرم بنانے کے لئے آپ زیتون اور نمک بھی مل سکتی ہیں۔
اگر آپ شفاف یخنی بنانا چاہیں تو یخنی بنانے کے بعد اسے چھان لیں اور پھر ایک کپڑے میں برف کے چند ٹکڑے رکھ کر یخنی کے اوپر پھریں۔ ٹھنڈی برف پر یخنی کا گھی و چکنائی جم جائے گی اور یخنی بالکل صاف و شفاف ہو جائے گی۔
اگر یخنی کا رنگ گدلا ہونے سے بچانا چاہیں تو ابلتی یخنی میں ایک انڈے کی سفیدی اور اس کے چھلکے کا چورا ڈال دیں۔ چند منٹ پکانے کے بعد یخنی چھان کر نکال لیں۔ رنگ گدلا نہیں ہو گا۔
اگر مہینوں گوشت کو محفوظ کرنا ہو تو گوشت میں تھوڑا زیادہ نمک ڈال کر چولہے پر چڑھا دیں۔ جب پانی خشک ہو جائے تو ایک مرتبان میں تیل لے کر اس میں گوشت کو ڈبو دیں۔ جب گوشت ٹھنڈا ہو جائے تو مرتبان کا ڈھکن مضبوطی سے بند کر دیں۔ یہ گوشت مہینوں خراب نہیں ہو گا۔
اگر گوشت کا اچار ڈالنا ہو تو گوشت کو لے کر اس میں نمک اور اچار کے مصالحے ملا کر پکا لیں پھر ایک جار میں تیل ڈال کر گوشت و مصالحہ اس میں ڈال کر بند کر دیں۔ چند ہفتوں بعد اچار تیار ہو گا۔ لیکن ایک احتیاط کریں کہ جب جار کا منہ ایک بار کھول لیں تو پھر زیادہ دن اچار کو نہ رکھیں وگرنہ وہ خراب بھی ہو سکتا ہے۔
اگر روسٹ گوشت کو خشک ہونے سے بچانا ہو تو اسے پانی میں بھگو کر نچوڑے ہوئے موٹے کھردرے کپڑے میں لپیٹ کر فریج میں رکھ دیں۔ یہ گوشت کئی دنوں تک خشک نہیں ہو گا۔
گوشت کو زیادہ عرصہ محفوظ رکھنا ہو تو دو کلو گوشت میں 20 گرام سرسوں کا تیل، ہلدی، نمک، مرچ حسب ذائقہ لیں اور گوشت کی ہڈیاں الگ کر دیں اور ٹکڑے کاٹ لیں پھر ان میں سوراخ کر کے اچھی طرح مصالحے لگا لیں۔ اب ان ٹکڑوں کو رسی میں پرو کر دھوپ میں سکھا لیں جب یہ سوکھ جائے تو ڈبوں میں محفوظ کر لیں۔
سخت گوشت جلدی گلانا ہو تو گوشت میں گڑ ڈال دیں۔
ادرک یا سرکہ ڈالنے سے بھی گوشت جلدی گل جاتا ہے۔
اگر آپ گوشت کا عرق بوٹیوں میں رکھنا چاہتے ہوں تو سالن پکاتے وقت گوشت میں گرم پانی ڈالیں۔ ٹھنڈے پانی سے عرق پانی میں آ جاتا ہے۔
روسٹ گوشت خستہ و نرم بنانے کے لئے پہلے اس پر آدھی پیالی سرکے میں ایک چمچ میٹھا سوڈا اور ایک درمیانہ چمچہ چینی گھول کر ڈال دیں۔ گوشت خستہ و نرم ہو جائے گا۔