بجلی کا بحران شدید4 سے5 گھنٹوں کی غیراعلانیہ لوڈشیڈنگ اور مرمت کے نام پر8 سے 10 گھنٹوں کی بجلی کی بندش،شہری پریشان:
کراچی(اُردو پوائنٹ اخبار تازہ ترین ۔2 ۔ اپریل ۔ 2010ء)کراچی میں بجلی کا بحران شدید4 سے5 گھنٹوں کی غیراعلانیہ لوڈشیڈنگ اور مرمت کے نام پر8 سے 10 گھنٹوں کی بجلی کی بندش سے شہریوں کے معمولات زندگی بری طرح متاثر ہورہے ہیں۔کے ای ایس سی ذرائع کے مطابق شہر میں بجلی کی کل رسد اور طلب کا فرق ساڑھے300 میگاواٹ کے لگ بھگ ہونے کے باعث بیشتر رہائشی اور تجارتی علاقوں میں دن اور رات کے اوقات میں 4سے 5 گھنٹوں کی لوڈشیڈنگ کی جارہی ہے۔جبکہ کئی علاقوں کے صارفین نے شکایت کی ہے کہ ان کے علاقے میں صبح9 بجے سے شام 5بجے تک بجلی کی فرا ہمی معطل رہتی ہے اورکے ای ایس سی شکایتی مرکز رابطہ کرنے پر یہی جواب ملتا ہے کہ مینٹیننس کی وجہ سے بجلی بند ہے۔طویل لوڈشیڈنگ کے باعث نویں اور دسویں جماعت کے امتحانات کی تیاری میں مصروف طلبہ اور رہائشی صارفین کو پانی کے حصول میں شدید دشواری کا سامنا ہے۔