اگلا صفحہ پچھلا صفحہ

"بجلی کا بحران، عوام پریشان" پر مزید کوریج

کراچی میں بجلی کا بحران سنگین ہوگیا:
کراچی (اُردو پوائنٹ اخبار تازہ ترین۔25مئی ۔2009ء) کراچی میں بجلی کا بحران سنگین ہوگیا ہے۔ بن قاسم پاور پلانٹ کے دو یونٹ بند ہونے سے بجلی کا شارٹ فال چھ سو پندرہ میگا واٹ تک پہنچ گیا ہے،شہر میں بجلی کی طلب چھ سو پچاسی میگا واٹ اورپیداوار سترہ سو اکتہر میگا واٹ ہے۔ کے ای ایس سی نے بجلی کی کمی کو پورا کرنے کے لئے شہر کے مختلف علاقوں میں ہر دو گھنٹے بعد دو گھنٹے کی غیر اعلانیہ لوڈ شیڈنگ کا سلسلہ شروع کردیا ہے۔ کے ای ایس سی ذرائع کے مطابق بن قاسم پاور پلانٹ کی پیداواری صلاحیت بارہ سو پچاسی سے کم ہوکر چھ سو اسی میگاواٹ ہوگئی ہے۔ طویل دورانیہ کی لوڈشیڈنگ کے باعث صنعتی علاقوں میں پیدواری عمل متاثر ہورہا ہے،تجارتی مراکز میں کاروباری سرگرمیاں محدود ہوکر رہ گئی ہیں۔ واضح رہے کہ شہر میں انٹر میڈیٹ کے امتحانات ہورہے ہیں طلبہ کا کہنا ہے کہ لوڈشیڈنگ کے باعث امتحانات کی تیاری میں مشکلات کا سامنا ہے۔۔دوسری جانب بجلی کی عدم فراہمی کے باعث شہرکو چھ کروڑ گیلن پانی کی فراہمی معطل ہے۔ ایم ڈی واٹر بورڈ قطب الدین شیخ نے ون ورلڈ کو بتایا کہ بجلی کی طویل لودشیڈنگ کے باعث شہر کو پانی کی فراہمی متاثر ہورہی ہے۔انہوں نے شہریوں سے اپیل کی ہے کہ وہ پانی احتیاط سے استعمال کر یں۔

25/05/2009 15:54:40 : وقت اشاعت
پچھلی خبر مركزی صفحہ اگلی خبر
تمام خبریں
یہ صفحہ اپنے احباب کو بھیجئیے
محفوظ کیجئے
پرنٹ کیجئے