لاہورمیں نواز شریف سے آرمی چیف کی ملاقات، اہم امور پر تبادلہ خیال:
آرمی چیف جنرل اشفاق پرویز کیانی نے مسلم لیگ (ن) کے صدر نواز شریف سے ملاقات کی ہے جس میں کئی اہم امور پر تبادلہ خیال کیا گیا ہے۔ ذرائع کے مطابق آرمی چیف اور نوازشریف کے درمیان ملاقات ماڈل ٹاؤن لاہور میں شہبازشریف کی رہائش گاہ پر ہوئی جس میں شہباز شریف بھی موجود تھے، ملاقات کے دوران ملک میں امن و امان کی مجموعی صورت حال، دہشت گردی کے خلاف جنگ اور دیگر اہم امور پر بات چیت ہوئی، اس موقع پر چین کے وزیر اعظم کے دورہ پاکستان کے حوالے سے بھی خصوصی گفتگو ہوئی۔۔۔ مزید

این اے 250پی ایس 112 ، 113کے 43 اسٹیشنز پر ری پولنگ کل ہوگی، الیکشن کمیشن کا قومی کے 2 اور صوبائی کے 3 حلقوں کے متعدد پولنگ اسٹیشنز پر دوبارہ پولنگ کا فیصلہ:
الیكشن كمیشن نے دھاندلی کی شکایات پر قومی اسمبلی کے مزید 2 اور صوبائی کے 3 حلقوں کے متعدد پولنگ اسٹیشنز پر دوبارہ پولنگ کرانے کا اعلان کیا ہے۔الیکشن کمشین نے ڈسٹرکٹ ریٹرننگ افسران کی جمع کرائی گئی رپورٹ کی روشنی میں حلقہ این اے 229 تھرپاركر كے 4 اور حلقہ این اے 230 كے 43 پولنگ اسٹیشنز پر یكم جون كو دوبارہ پولنگ كرانے كا حكم دیا ہے جبکہ سندھ اسمبلی كے حلقہ پی ایس 63، پی ایس 63 اور خیبرپختونخوا کے حلقہ پی کے 60 بٹگرام کے 2 پولنگ اسٹیشنز پر بھی دوبارہ پولنگ كرانے كے احكامات دیئے گئے ہیں۔الیكشن كمیشن نے چیف سیكرٹری سندھ اور چیف سیکرٹری خیبرپختونخوا کو ہدایت جاری کی ہے كہ ان حلقوں میں دوبارہ پولنگ كے لئے انتظامات كو حتمی شكل دی جائے جبکہ ڈسٹركٹ ریٹرنگ افسر، ریٹرنگ افسر، الیكشن كمیشن كے صوبائی دفتر اور ضلعی دفتر كو بھی دوبارہ پولنگ كے نوٹیفكیشن سے آگاہ كردیا گیا ہے۔ادھر کراچی میں این اے 250 کے تینتالیس پولنگ اسٹیشنز پر کل دوبارہ پولنگ ہوگی ، سیکیورٹی کے لیے پولنگ اسٹیشنز پر فوجی جوان بھی تعینات ہوں گے ، انتخابی سامان فوجی کی نگرانی میں تمام پولنگ اسٹیشنز پر پہنچا دیا گیا ہے،پورے حلقے کے بجائے صرف مخصوص اسٹیشنز پر پولنگ کے فیصلے کے خلاف متحدہ قومی موومنٹ نے پولنگ کے بائیکاٹ کا اعلان کیا ہے ۔۔۔ مزید