عمران خان نے رکن قومی اسمبلی کا حلف اٹھا لیا، ٹیکس سے ملک میں تباہی مچے گی، نواز شریف کو وزیر اعظم بننے پر مبارکباد پیش کرتا ہوں، اسمبلی میں اپوزیشن کی حیثیت سے نہیں بلکہ ایک پاکستانی بن کر بات کرونگا، ہمیں ایک قوم بن کر سوچنا ہے، چیئرمین تحریک انصاف کا قومی اسمبلی اجلاس سے پہلا خطاب:
تحریک انصاف کے چیئرمین عمران خان نے قومی اسمبلی کے رکن کی حیثیت سے حلف اٹھا لیا، سپیکر قومی اسمبلی سردار ایاز صادق نے ان سے حلف لیا۔ ارکان پارلیمنٹ نے اُمید ظاہر کہ عمران خان مثبت سیاست کا آغاز کریں گے۔ قومی اسمبلی سے اپنے پہلے خطاب میں عمران خان کا کہنا تھا کہ پاکستانی سب سے زیادہ خیرات اور سب سے کم ٹیکس دیتے ہیں۔ اس سے پہلے عمران خان کی آمد کے پیش نظر قومی اسمبلی کی عمارت کی سیکیورٹی معمول سے زیادہ سخت کی گئی جس پر بعض ارکان اسمبلی نے پولیس حکام سے شکوہ بھی کیا۔ عمران خان کا کہنا تھا کہ میں میاں محمد نواز شریف کو وزارت عظمیٰ کا منصب سنبھالنے پر مبارکباد پیش کرتا ہوں.میں اسمبلی میں اپوزیشن کی حیثیت سے نہیں بلکہ ایک پاکستانی بن کر بات کرونگا. اپنے خطاب میں چیئرمین تحریک انصاف کا کہنا تھا کہ پاکستان ایشیاء کا کیلیفورنیا بن سکتا ہے. پاکستان قدرتی وسائل سے مالا مال ہے. ہمیں ایک قوم بن کر ملک کے حالات بہتر کرنا ہونگے. ہمیں ایک قوم بن کر سوچنا ہے. عمران خان کا کہنا تھا کہ پاکستان کو درپیش مسائل کی وجہ نا انصافی ہے. امن و امان اور خوشحالی کی بنیاد عدل و انصاف پر ہے۔۔۔ مزید

ہمارا المیہ ہے کہ قانون سے بھاگنے والے افراد عوام پر بوجھ ڈال رہے ہیں،چیف جسٹس:
چیف جسٹس افتخار محمد چوہدری نے کہا ہے کہ پاکستان کا المیہ ہے کہ یہاں جب کسی چیز کی قیمت بڑھ جائے تو اس میں کمی نہیں ہوتی، قانون سے بھاگنے والے افراد ہی عوام سے سیلز ٹیکس وصول کررہے ہیں۔ چیف جسٹس افتخار محمد چوہدری کی سربراہی میں تین رکنی بنچ نے جی ایس ٹی میں اضافے اور پیٹرولیم مصنوعات کی قیمتوں میں اضافے سے متعلق کیس کی سماعت کی ،سماعت کے دوران اٹارنی جنرل منیر اے ملک نے جی ایس ٹی میں حالیہ اضافے اور اس کے نفاذ کا دفاع کرتے ہوئے کہا کہ جنرل سیلز ٹیکس میں اضافے کا تعلق حالیہ بجٹ سے نہیں اسے1931 کے ٹیکس ایکٹ کے تحت نافذ کیا گیا، جس کے تحت حکومت کسی بھی ٹیکس کو فوری نافذ یا ردوبدل کر سکتی ہے۔ چیف جسٹس نے اپنے ریمارکس میں کہا کہ ہم نو آبادیات میں نہیں رہ رہے،1931کے بعد اب حالات کے تقاضے بدل چکے،وقت گزرنے کے ساتھ بہت سی تبدیلیاں آئیں، کیا یہ قانون بنیادی آئینی حقوق کے متصادم نہیں، ایک فیصد ٹیکس بڑھانے اور فوری نفاذ سے مہنگائی کا طوفان آیا ، لوگوں کی جیبوں سے اربوں روپے نکل گئے۔ چیف جسٹس نے ریمارکس دیئے کہ جی ایس ٹی سے کارروباری حضرات کو کوئی فائدہ نہیں پہنچتا، 90 فیصد پٹرول پمپ غیر رجسٹرڈ ہیں وہ ٹیکس حکومت کو دینے کے بجائے خود کھائیں گے، نقصان تو عوام کا ہوا ۔۔۔ مزید