پشاور، جماعة الدعوة نے سیلاب سے متاثرہ افراد کے لئے کنٹرول روم قائم کر دیا ،12 سو خاندانوں میں خوراک تقسیم:
پشاور(اردوپوائنٹ اخبا ر تازہ ترین05 اگست2008 )جماعة الدعوة کی طرف سے سیلاب سے متاثرہ1200 خاندانوں میں خوراک کی تقسیم۔ پشاور میں مرکزی کنٹرول روم قائم کر دیا گیا۔ مقامی سکولوں،مدارس اور گھروں میں متاثرین سیلاب کو پانی سے نکالنے اور محفوظ مقامات تک پہنچانے کا سلسلہ گزشتہ روز بھی جاری رہا دودنوں میں ساڑھے چھ ہزار سے زائدافراد میں پکی پکائی خوراک تقسیم کی گئی۔جماعة الدوعوة کے رضا کار ریگی، پلوسی، پٹور،خراسان، واحد گڑھی، پیر بالا اور پشاور کے دیگر گردو نواح کے سیلاب سے متاثرہ مقامات تک پہنچ کر امدادی سرگرمیوں میں مصروف ہیں۔ جماعة الدعوة کے رضا کار متاثرین سیلاب کو پانی سے نکال کر مقامی سکولوں، مدارس اور اپنے گھروں تک پہنچا رہے ہیں۔جہاں انکی جماعت کی طرف سے لوگوں کو ٹھہرنے اور انکے لئے خوراک وغیرہ کا بندوبست کیا جا رہا ہے الدعوة ایمبولینس گاڑیاں بھی متاثرہ علاقوں میں خدمات کے فرائض سر انجام دے رہے ہیں۔جماعة الدعوة نے پشاور میں ریلیف آپریشن کے حوالہ سے مرکزی کنٹرول روم قائم کر رکھا ہے جہاں سے تمام علاقوں میں امدادی سرگرمیوں کے حوالہ سے پکی پکائی خوراک، امدادی رضا کار اور دیگر اشیائے خوردو نوش روانہ کی جا رہی ہیں ادارہ خدمت خلق جماعة الدعوة پاکستان کے سربراہ حافظ عبد الرؤف متاثرین سیلاب کے لئے جاری امدادی سرگرمیوں کی خود نگرانی کر رہے ہیں اور ملک بھر میں کارکنان کو ہدایات جاری کی گئی ہیں کہ وہ اپنے اپنے علاقوں میں متاثرین کی مدد کے حوالہ سے اقدامات کریں۔حافظ عبد الروٴف کا کہنا ہے کہ جماعة الدعوة متاثرین سیلاب کے معمولات زندگی بحال کرنے کی ہر ممکن کوشش کرے گی اور امدادی سرگرمیوں کا سلسلہ بھر پور انداز میں جاری رکھا جائے گا۔