کراچی ایٹ فیسٹیول بارش کے باعث ملتوی

اب یہ فیسٹیول کل 20جنوری اور22جنوری کو دوپہر 12 بجے سے رات ساڑھے 10 بجے تک ہوں گے

جمعرات 19 جنوری 2017 11:33

کراچی (اُردو پوائنٹ اخبارتازہ ترین - این این آئی۔ 19 جنوری2017ء) کراچی میں وقفے وقفے سے ہلکی اور تیز بارش کے باعث ’ایٹ فیسٹیول‘ ملتوی کردیا گیا۔کراچی ایٹ فیسٹیول کی انتظامیہ نے شہر میں گزشتہ دو روز سے جاری بارش اور اس کی مزید پیش گوئی کے باعث ایونٹ ملتوی کرنے کا فیصلہ کیا۔کراچی ایٹ فیسٹیول کا انعقاد اب فریئر ہال میں کل 20 سے 22 جنوری کو ہوگا۔

(جاری ہے)

ایٹ فیسٹیول کی انتظامیہ نے نئی تاریخوں کا اعلان فیس بک پوسٹ کے ذریعے کیا۔انتظامیہ نے فیسٹیول ملتوی ہونے کے ساتھ اس کے نئے اوقات کا بھی اعلان کیا، جس کے مطابق جمعہ 20 جنوری کو فیستیول میں شرکت کے اوقات شام ساڑھے 4 سے رات ساڑھے 10 بجے تک جبکہ 21 اور 22 جنوری کو دوپہر 12 بجے سے رات ساڑھے 10 بجے تک ہوں گے۔واضح رہے کہ قبل ازیں کراچی ایٹ فیسٹیول کے لیے 13 تا 15 جنوری کی تاریخوں کا اعلان کیا گیا تھا، لیکن مسلسل بارش کے باعث ایونٹ کا پہلا روز بھی بری طرح متاثر ہوا تھا۔

متعلقہ عنوان :

کراچی میں شائع ہونے والی مزید خبریں