پہلا آل نوشکی مرحوم ایکسئین محمد اعظم جان مینگل فٹبال ٹورنامنٹ کا افتتاح

جمعہ 20 جنوری 2017 22:47

نوشکی۔20جنوری(اُردو پوائنٹ اخبارتازہ ترین - اے پی پی۔ 20 جنوری2017ء) پہلا آل نوشکی مرحوم ایکسئین محمد اعظم جان مینگل فٹبال ٹورنامنٹ کا افتتاح شہید میر لونگ خان مینگل فٹبال اسٹیڈیم میں شروع ہوگیا۔ افتتاحی میچ کے مہمان خاص سابق صوبائی وزیر بابومیر محمد رحیم مینگل تھے ،افتتاحی میچ میں مرحو م محمد اعظم جان کلب مینگل اور میر نیبل خان مینگل فٹبال کلب کلی مینگل کے درمیان کھیلا گیا ،دونوں ٹیموں نے بہترین کھیل پیش کیا ۔

(جاری ہے)

اسطر ح یہ میچ نیبل خان کلب کلی مینگل نے مرحوم محمد اعظم جان مینگل کلب کلی مینگل کو ایک کے مقابلے میں دو گول سے جیت لیا ۔میچ ریفری کے فرائض زائد حسین ،صدام حسین ،نعمت اللہ اور حاجی وارث شاہ نے سرانجام دیئے ، افتتاحی میچ کے مہمان خصوصی سابق صوبائی وزیر بابو میر محمد رحیم مینگل نے ٹورنامنٹ کمیٹی کیلئے 50ہزار روپے کا اعلان کیا ۔اس موقع پر سابق ناظم اعلیٰ حاجی میر بہادر خان مینگل ،عزیز بادینی ،ٹورنامنٹ سیکرٹری یحییٰ خان مینگل موجود تھے۔