آرمی چیف جنرل قمر جاوید باجوہ سے وزیراعظم آزاد کشمیر راجہ فاروق حیدر کی ملاقات

لائن آف کنٹرول پر سیکیورٹی صورتحال اور باہمی دلچسپی کے دیگر امور پر تبادلہ خیال پاک فوج ہر طرح کے خطرے کا مقابلہ کرنے کیلئے تیار ہے ، جنرل قمر جاوید باجوہ وزیراعظم آزاد کشمیر نے آزاد کشمیر میں سیکیورٹی اور ترقی کے حوالے سے پاک فوج کی کوششیں لائق تحسین ہیں ، راجہ فاروق حیدر

بدھ 18 جنوری 2017 18:03

آرمی چیف جنرل قمر جاوید باجوہ سے وزیراعظم آزاد کشمیر راجہ فاروق حیدر کی ملاقات

راولپنڈی(اُردو پوائنٹ اخبارتازہ ترین - این این آئی۔ 18 جنوری2017ء) چیف آف آرمی سٹاف جنرل قمر جاوید باجوہ نے کہا ہے کہ پاک فوج ہر طرح کے خطرے کا مقابلہ کرنے کیلئے تیار ہے ۔ آئی ایس پی آر کے مطابق چیف آف آرمی سٹاف جنرل قمر جاوید باجو ہ سے آزاد جموں و کشمیر کے وزیراعظم راجہ فاروق حیدر نے بدھ کو جی ایچ کیو میں ملاقات کی۔

(جاری ہے)

ملاقات کے دوران لائن آف کنٹرول پر سیکیورٹی صورتحال اور باہمی دلچسپی کے دیگر امور پر تبادلہ خیال کیا گیا۔

آرمی چیف نے وزیراعظم آزاد کشمیر کو یقین دلایا کہ پاکستان آرمی ہر طرح کے خطرے کا مقابلہ کرنے کیلئے تیار ہے اور وہ اس کی پوری صلاحیت رکھتی ہے ۔ وزیراعظم آزاد کشمیر نے آزاد جموں کشمیر میں سیکیورٹی اور ترقی کے حوالے سے پاک فوج کی کوششوں بالخصوص تعلیم صحت اور مواصلاتی انفراسٹرکچر کے شعبوں میں پاک فوج کے کردار کو سراہا ۔