شیشئہ دل میں مجھے تُو نے اتارا ہوتا
کاش میں جاں سے بھی بڑھ کر تجھے پیارا ہوتا
اشکِ غم یوں مری آنکھوں سے نہ بہتے ہرگز
ہنس کہ اک بار اگر تُو نے پکارا ہوتا
زندگی میں تو اکیلے ہی رہے ہم لیکن
وقتِ رخصت تری بانہوں کا سہارا ہوتا
غیر کے ساتھ سہی تم میرے گھر تو آتے
کاش یہ راستہ تم کو بھی گوار ا ہوتا
آنکلتے جو ذرا دیر کو تم محفل میں
دلِ بسمل کا وہاں کیسا نظارا ہوتا
دل و جاں پھر سے صنم تم لٹاتا ضیغم
تیری چاہت کا اگر اُس کو اشارا ہوتا