اگر چاہیں تو ہم وہ شاہزادے بن بھی سکتے ہیں
مگر ہم ہیں کہ اپنے سَر نفی سُر میں ہلاتے بڑھ رہے ہیں
اسی چکنی پھسلتی رہگذر پر
گذرتے جارہے ہیں
ہماری پشت پرشاید کروندے کی کنواری جھاڑیوں کی التجاؤں اور عبادت گاہ کے مینارو گنبد کی صداؤں نے
کوئی سازش رچی ہے
تعاقب میں ہمارے چل پڑی ہیں
ہمارے کان میں اک تیسری آواز آتی ہے
ارے نادان انسانو!
ہمیں آسودگی دو
بتاؤ حشر کے دن
ندی ،جنگل،گھروندے،ریت،چٹانیں،ہمارا دھوپ میں جلتا بدن
جھٹلاسکوگے؟
لاسکوگے؟؟