ہمیشہ کام سے مطلب
ہمیشہ وقت کی پرواہ
کبھی خاموش شاموں میں
ڈنر پر ڈیل بزنس کی
کبھی آوارہ راتوں میں
کوئی پارٹی کہیں تقریب
ہمیشہ محفلوں کاشوق
اور تنہائی سے ڈرنا
ہمیشہ ایک سی باتیں
کہ جن میں شہر بستاہے
اور اک میں ہوں کہ جس کے پاس
شہرہے نا شہر والے
میری بے نور آنکھوں میں
خموشی زہر بھرتی ہے
تعبیریں تلملاتی ہیں
کہ اب ویران آنکھوں میں
تمہارے روز و شب ہیں
جن میں تم مصروف رہتے ہو
ادھورے خواب سوتے ہیں
تو کچی نیند کا عالم
سلگتا ہے پگھلتا ہے
جو تم مصروف رہتے ہو
تو تنہا رات کا ماتم
مجھے سالم نگلتاہے