دور آبیٹھی تھی زمانے سے
پھر بھی دنیا ستانے آپہنچی
دل کی ویرانی پہ حیراں تھی ابھی
کہ خزاں گل چرانے آپہنچی
سنگ زنی جب تھمی تو چلنے کو
خار رستہ سجانے آپہنچی
دل نے جب ساز درد کا چھیڑا
آنکھ آنسو بہانے آپہنچی
دن کی وحشت سے بچ کے نکلی تھی
رات نندیا چرانے آپہنچی
پرسکوں میں ہوئی تو لمحوں میں
یاد تیری ستانے آپہنچی
کوئی ہمدم نہ ملا تو میں خود
رسمِ دنیانبھانے آپہنچی
میں بھی گل ان کے آستانے پر
اپنی بگڑی بنانے آپہنچی