تنہائی
ایش ٹرے میں
سگارکا ادھ جلا ٹکڑا
منیر پر بکھر ے چند خطوط
اور ناصر کی ”برگ نے“
کچھ تیری ، میری تصویریں
جنکے پیچھے
تیرے ہاتھوں سے لکھے
کچھ غلط اشعار
موتیا کی چند سوکھی کلیاں
اور تیری زلفوں کی اک لٹ
(پیار سے میں نے جو کاٹی تھی )
شاید تم کو یاد نہ ہو
سینما کی کچھ آدھی ٹکٹیں
جب میں نے اور تم نے
مل کر فلمیں دیکھی تھیں
اور تیرے سب قول وقرار
وہ سب کیا تھے
اور تیری یہ کل کی بات
وہ محبت تو بچپن کی
ایک حماقت تھی پیارے
یہ سب کیا ہے؟