ثانیہ مرزا نے جوانی میں بچوں کی خواہش کا اظہار کر دیا:
حیدرآباد، بھارت (اُردو پوائنٹ اخبار تازہ ترین۔6مئی۔2010ء ) بھارتی ٹینس سٹار اور پاکستان کرکٹ ٹیم کے سابق کپتان شعیب ملک کی اہلیہ ثانیہ مرزا نے جوانی میں بچوں کی خواہش کا اظہار کیا ہے ، شادی کس عمر میں کرنی ہیں اس بارے میں کبھی نہیں سوچا تھا ، شادی سے زندگی میں تبدیلی نہیں آئی۔ ایک بھارتی اخبار کو دےئے گئے انٹرویو میں انہوں نے کہاکہ شادی سے پہلے بھی زندگی ایسے تھی جیسے ابھی ہے بس فرق اتنا پڑا ہے میں اور شعیب ایک گھر میں رہ رہے ہیں ۔ ہمیں نہیں لگتا کہ ہم نے شادی کرلی ہے ہم بہت خوش ہیں اور ہمیشہ ساتھ رہیں گے ۔ ایک سوال کے جواب میں انہوں نے کہاکہ وہ 24 سے 25 سال کی عمر میں شادی کرنا چاہی تھیں لیکن ان کی شادی 23 سال کی عمر میں ہوگئی تاہم ابھی بھی وہ 24 سال کی ہونے والی ہیں ۔ انہوں نے کہاکہ وہ جوانی میں بچے چاہتی ہوں تاکہ ان کے ساتھ بھر پور کھیل سکوں اور ان کو بہت سا پیار دے سکیں۔ ایک سوال کے جواب میں انہوں نے کہاک ان کا پاکستان آنے کا کوئی ارادہ نہیں ۔ وہ بھارتی شہری ہیں اور اس کی شہریت رکھیں گی ۔ انہوں نے کہاکہ اس بارے میں پہلے بھی کئی مرتبہ کہ چکی ہوں ۔ انہوں نے کہاکہ شعیب ملک زیادہ تر دبئی رہتے ہیں اور پاکستان کرکٹ ٹیم کی ہوم سیریز بھی زیادہ تر یو اے ای میں منعقد کی جاتیں ہیں جس کی وجہ سے ہم نے دبئی رہنے کا فیصلہ کیا ہے ۔ اس کے ساتھ ساتھ دبئی پاکستان اور بھارت سے زیادہ دور بھی نہیں آسانی نے دونوں ممالک کم وقت میں جایا جاسکتا ہے ۔ ایک اور سوال کے جواب میں انہوں نے کہاکہ یہ دو ملکوں کی شادی نہیں تھی دو انسانوں کی شادی تھی مجھے اس سے کوئی فرق نہیں پڑتا کہ میرا ہونے والا شوہر پاکستان سے ہے یا کسی اور ملک سے ۔ میں نے وہ حاصل کیا جو مجھے پسند تھا ۔ یاد رہے کہ پاکستان کرکٹ ٹیم کے سابق کپتان شعیب ملک اور ثانیہ مرزا اس وقت بھارتی شہر حیدر آباد میں رہائیش پذیز ہیں۔