گھروالوں اوردوستوں کے سامنے ورلڈکپ کھیلنے کاخواب پوراہورہاہے:کورے اینڈرسن

پیر 16 فروری 2015 14:36

گھروالوں اوردوستوں کے سامنے ورلڈکپ کھیلنے کاخواب پوراہورہاہے:کورے اینڈرسن

کرائسٹ چرچ (اُردو پوائنٹ تازہ ترین اخبار۔ 16فروی 2015ء) ورلڈکپ 2015کے پہلے مین آف دی میچ نیوزی لینڈ کے آل راوٴنڈر کورے اینڈرسن کا کہناہے کہ گھر والوں اور دوستوں کے سامنے ورلڈکپ کھیلنے کا خواب پورا ہورہاہے۔

(جاری ہے)

کورے اینڈرسن نے کہاکہ ہوم گراوٴنڈ میں اپنے گھر والوں اور دوستوں کے سامنے کھیلنا بڑے لطف کی بات ہے،میرے خیال میں ورلڈکپ ایساٹورنامنٹ ہے جس کے لیے ہم خواب دیکھتے ہیں،کورے اینڈرسن نے سری لنکاکے بولروں کا بھرکس نکالتے ہوئے صرف46گیندوں پر75رنز بنائے تھے، انھوں نے کہا کہ جب وہ بیٹنگ کے لیے جارہے تھے توعام میچوں کی نسبت گھبرائے ہوئے تھے لیکن اچھی کارکردگی سے خوش ہوں، ہم چاہتے تھے کہ ہدف جیت کے قابل ہو۔

کورے اینڈرسن نے کہا کہ کپتان مک کولم نے بولنگ میں انھیں واپس بلایا جو کچھ بہتر ثابت ہوا لیکن دیگربولروں نے واقعی میں بہترین کارکردگی دکھائی باالخصوص ڈینئیل ویٹوری جنھوں نے میچ کو یک طرفہ کردیا۔کورے اینڈرسن نے 3.1اوورمیں 18رنز کے عوض دو وکٹیں بھی حاصل کیں۔

وقت اشاعت : 16/02/2015 - 14:36:55