آئی سی سی نے ورلڈ کپ 2015 کی بہترین 12 رکنی ٹیم کا اعلان کر دیا

پیر 30 مارچ 2015 11:13

آئی سی سی نے ورلڈ کپ 2015 کی بہترین 12 رکنی ٹیم کا اعلان کر دیا

دبئی(اُردو پوائنٹ اخبار تازہ ترین۔30مارچ۔2015ء) آئی سی سی نے کرکٹ ورلڈ کپ 2015 کے لیے 12 رکنی ٹیم کا اعلان کر دیا۔ فائنل ٹیم میں کوئی بھی پاکستانی کھلاڑی جگہ بنانے میں ناکام رہا۔ انٹرنیشنل کرکٹ کونسل کی جانب سے ورلڈ کپ میں بہترین کھلاڑیوں پر مشتمل بارہ رکنی ٹیم کا اعلان کیا گیا۔ ٹیم میں نیوزی لینڈ کے 5 ، آسٹریلیا کے 3 ، جنوبی افریقہ کے 2 ، سری لنکا ، اور زمبابوے کا ایک ایک کھلاڑی شامل کیا گیا ہے۔

نیوزی لینڈ کے برینڈن میکولم کو ورلڈ کپ 2015 ٹیم کا کپتان مقرر کیا گیا۔

(جاری ہے)

انہیں ٹورنامنٹ میں جارحانہ کھیل کے علاوہ شاندار قائدانہ صلاحیتوں کی وجہ سے کپتان منتخب کیا گیا۔ میکولم نے چار نصف سنچریوں سمیت 328 رنز کا ٹوٹل جمع کیا تھا۔ نیوزی لینڈ سے برینڈن میکولم کے علاوہ ڈبل سنچری میکر مارٹن گپٹل ، کورے اینڈرسن ، ڈینئیل ویٹوری ، ٹرینٹ بولٹ شامل ہیں۔ آسٹریلیا کی جانب سے سٹیون سمتھ ، گلین میکسویل اور مچل سٹارک کو بھی میگا ایونٹ کی ٹیم میں شامل رکھا گیا ہے۔ جنوبی افریقہ ٹیم سے اے بی ڈی ویلئیرز اور مورنی مورکل کو بھی ورلڈ کپ ٹیم کا حصہ بنایا گیا ہے۔ سری لنکا کے کمار سنگا کارا وکٹ کیپر جبکہ زمبابوے کے برینڈن ٹیلر کو بارہویں کھلاڑی کے طور پر شامل کیا گیا ہے۔

وقت اشاعت : 30/03/2015 - 11:13:51

مزید متعلقہ خبریں پڑھئیے‎ :

متعلقہ عنوان :