انگلش کرکٹر جوناتھن ٹروٹ نے انٹرنیشنل کرکٹ سے ریٹائرمنٹ کا اعلان کر دیا

منگل 5 مئی 2015 14:38

انگلش کرکٹر جوناتھن ٹروٹ نے انٹرنیشنل کرکٹ سے ریٹائرمنٹ کا اعلان کر دیا

لندن (اردو پوائنٹ تازہ ترین اخبار5مئی۔2015ء) ویسٹ انڈیز کے خلاف ناقص پرفارمنس سے دلبرداشتہ ہو کر انگلینڈ کے جوناتھن ٹروٹ نے انٹرنیشنل کرکٹ سے ریٹائرمنٹ کا اعلان کر دیا ہے ۔ برطانوی میڈیا کے مطابق انگلش بیٹسمین جوناتھن ٹروٹ کا کہنا ہے کہ انٹرنیشنل کرکٹ کو چھوڑنے کا فیصلہ کافی مشکل تھا لیکن انہیں لگتا ہے کہ ان کا کھیل انگلش ٹیم کے معیار کے مطابق نہیں رہا ۔

(جاری ہے)

جوناتھن ٹروٹ نے کہا کہ انہیں ڈیڑھ سال بعد ٹیسٹ ٹیم میں واپس لانے پر انگلش کرکٹ بورڈ کے وہ شکر گزار ہیں ۔ انگلش بیٹسمین ٹروٹ ویسٹ انڈیز کے خلاف تین ٹیسٹ میچوں کی چھ اننگز میں صرف 72 رنز ہی بنا سکے ۔ 34 سالہ جوناتھن ٹروٹ نے اگست 2009 ء میں انٹرنیشنل کرکٹ میں ڈیبیو کیا ۔ ایشز سیریز کے پانچویں ٹیسٹ میں ڈیبیو کرتے ہوئے ٹروٹ نے 119 رنز کی شاندار اننگز بنا ڈالی ۔ انگلش بیٹسمین نے 52 ٹیسٹ میچوں میں 44.08 کی اوسط سے 9 سنچریوں سمیت 3835 رنز بنانے کا اعزاز حاصل کیا ۔ ٹروٹ نے چھ سالہ کرکٹ کیریر میں 68 ایک روزہ میچوں میں چار بہترین سنچریوں کے ساتھ 51.25 کی اوسط سے 2819 جوڑ رکھے ہیں۔

وقت اشاعت : 05/05/2015 - 14:38:38

مزید متعلقہ خبریں پڑھئیے‎ :

متعلقہ عنوان :