زمبابوین کرکٹرز کا سماجی ویب سائیٹس پر پاکستان کی میزبانی سے متاثر ہونیکا اعتراف

لاہور(اردو پوائنٹ تازہ ترین اخبار29مئی۔2015ء) زمبابوے کے پلیئرز پاکستان کی میزبانی اور روائتی کھانوں سے اس قدر متاثر ہیں کہ سماجی رابطے کی ویب سائٹ ٹوئٹر پر والہانہ اظہار کرتے نظر آ رہے ہیں ،ادھر قومی شاہینوں نے بھی ٹوئٹر پر آج کے میچ میں جیت کا عزم ظاہر کیا ہے ۔ تفصیلات کے مطابق پاکستانی کھلاڑی زمبابوے کیخلاف پہلے ون ڈے میں شاندار فتح سے خوش ہیں تو زمبابوین پلیئرز کا جذبہ بھی عوام کی محبت اور لاہوری میزبانی نے ماند نہیں پڑنے دیا جس کا والہانہ اظہار وہ سماجی رابطے کی ویب سائٹ ٹویٹر پر کر رہے ہیں ۔

زمبابوے کے پلیئر چامو چبھابھا نے اپنی ایسی ہی ایک ٹویٹ میں پاکستان کے روائتی کھانوں کی خوب تعریف کی ہے ۔ ان کے علاوہ زمبابوے کے سینئر بیٹسمین سین ولیمز نے بھی اپنے ایک پیغام میں امید ظاہر کی ہے کہ آج کے میچ میں پاکستانی شائقین کی زیادہ سے زیادہ تعداد زمبابوین جھنڈوں کی فیس پینٹنگ کروا کے گراؤنڈ میں آئیں گے ۔

(جاری ہے)

دوسری طرف گرین شرٹس کے پیسر جنید خان نے اپنی ٹوئٹ میں قوم سے آج کے میچ میں گرین ٹیم کی فتح کیلئے دعا کی اپیل کی ہے ۔

زمبابوے کیخلاف پہلے ون ڈے میں جارحانہ اننگز کھیلنے والے حارث سہیل نے بھی اپنے پیغام میں آج پہلے سے بہتر کارکردگی دکھانے کا عزم ظاہر کیا ہے ۔

Hopefully we have more painted faces in the crowd tomorrow #PakvsZim pic.twitter.com/LfidGujM3n

— Sean Williams (@sean14williams) May 28, 2015

Pakistan food is amazing,i love it

— chamu justice (@chamulaw) May 28, 2015

Requesting u all to pray for Pakistans win and if im included for my performance too... In Shaa Allah

— Junaid Khan83 (@JunaidkhanREAL) May 28, 2015