لندن: میراتھن ریس میں آدمی کی 53دن تک شرکت، ریکارڈ قائم کردیا

ہفتہ 29 اگست 2015 13:24

لندن: میراتھن ریس میں آدمی کی 53دن تک شرکت، ریکارڈ قائم کردیا

لندن(اُردو پوائنٹ اخبار تازہ ترین۔ 29 اگست۔2015ء)کہتے ہیں کہ مشکل سے مشکل ترین کام کو بھی انسان کی ہمت اور لگن آسان بنا دیتی ہے۔ ایسا ہی ایک کام برطانیہ میں ایک شخص نے کیا، جس میں اس شخص نے 53روز تک میراتھن ریس میں شرکت کی اور ایک عالمی ریکارڈ قائم کردیا۔

(جاری ہے)

سٹیفورڈ شائر کے رہائشی مارک ویز نامی شخص، جن کا پیشہ کھڑیاں صاف کرنا ہے، انہوں نے 53روز تک مسلسل میراتھن ریس میں حصہ لے کر یہ کارنامہ سرانجام دیا ہے۔

مارک مزید کچھ روز تک اپنا یہ شوق اور مشق جاری رکھ کر 90میراتھن ریس میں شرکت کا ریکارڈ بنانا چاہتے ہیں، جبکہ ان کا اصل مقصد عوام میں صحت کا شعور اجاگر کرنا ہے۔ واضح رہے کہ اس طرز کا سابقہ ریکارڈ 52میراتھن ریس میں شرکت کرکے قائم کیا گیا تھا۔ لیکن گنیز بک آف ورلڈ ریکارڈز نے ابھی تک اس نئے ریکارڈ کی تصدیق نہیں کی ہے۔

وقت اشاعت : 29/08/2015 - 13:24:42