پی سی بی نے محمد حفیظ سے ٹویٹرپر جاری کردہ بیان کے حوالے سے وضاحت طلب کرلی

لاہور(اردو پوائنٹ تازہ ترین اخبار24مئی ۔2016ء )پاکستان کرکٹ بورڈ نے اوپنر محمد حفیظ سے ان کے سوشل میڈیا پر جاری کردہ بیان کے حوالے سے وضاحت طلب کرلی ہے ۔ تفصیلات کے مطابق محمد حفیظ نے دو روز قبل سماجی رابطے کی ویب سائٹ ٹویٹر پر تعلیم نے متعلق ٹویٹ کرتے ہوئے کہا تھا کہ صرف ڈگریاں رکھنا ہی کافی نہیں ہوتا ، انہیں ٹیسٹ کرکٹر ہونے پر فخر ہے اور یہی ان کی ڈگری ہے ۔

(جاری ہے)

ذرائع کے مطابق حفیظ کے اس ٹویٹ سے ایسا تاثر ابھرا جیسے انہوں نے چیئر مین پی سی بی شہریار خان کے ا س بیان کے جواب میں یہ ٹویٹ کیا ہے جس میں شہریار خان نے ملکی کرکٹ کی تباہی کی وجہ کھلاڑیو ں کا اعلی تعلیم یافتہ نہ ہونا قرار دیا تھا۔

Education is an important part of life but Having degrees r not enough..I m proud to b a TEST cricketer#my DEGREE https://t.co/zagzyZZyrG

— Mohammad Hafeez (@MHafeez22) May 22, 2016