کیریبیئن پریمیئر لیگ کا افتتاحی میچ امریکا میں جمعے کو کھیلا جائیگا

نیویارک(اُردو پوائنٹ اخبارتازہ ترین - آن لائن۔25 جولائی۔2016ء) کیریبیئن پریمیئر لیگ کا افتتاحی میچ امریکا میں جمعے کو کھیلا جائیگا، جمیکا تلاواز کی ٹیم سی پی ایل میچز کے انعقاد سے6 دن پہلے لاؤڈر ہل کے سینٹرل بورڈ ریجنل پارک پہنچ چکی ہے۔تلاواز کے وکٹ کیپر کمارا سنگاکارا جو 2010 میں اسی مقام پر امریکا میں کھیلے جانیوالے پہلے ٹی ٹوئنٹی انٹرنیشنل میچ میں سری لنکا کی ٹیم کی قیادت بھی کر چکے۔

(جاری ہے)

ان کا کہنا ہے کہ سی پی ایل امریکا میں کرکٹ کی ترقی میں مدد فراہم کریگا، تلاواز کی جانب سے پہلی پریس کانفرنس میں کمارا سنگاکارا نے کہا کہ یہاں واپس آنے پر کافی پرجوش ہوں، مجھے یاد ہے کہ جب یہاں 2010میں نیوزی لینڈ کیخلاف ہم نے میچ کھیلا تھا، وہ 2 نہایت مسابقتی میچز تھے، میرے یہ خیال میں وہ ایک ایک سے برابری پر ختم ہوئے اور ہم نے یہاں کافی تفریحی وقت گزارا تھا، فورٹ لاؤڈرڈیل میں کرکٹ کی واپسی اور برورڈ پارک میں کرکٹ میچز کی دوبارہ موجودگی سے اس بات کو یقینی بنانا ہے کہ یہاں اس کھیل کو دیکھنے والوں کی تعداد بڑھے، نئے دیکھنے والوں کی یہاں آنے کیلیے ہمت افزائی کرنا کہ وہ دیکھیں کرکٹ کے میدان میں کیا ہوتا ہے اور بیس بال اور کرکٹ میں فرق ملاحظہ کرسکیں۔۔