ٹینل کینگرٹ نے ابوظہبی سائیکل ریس کا تیسرا مرحلہ جیت لیا

ابوظہبی (اُردو پوائنٹ اخبارتازہ ترین - آئی این پی۔ 23 اکتوبر2016ء)ایسٹونیا کے ٹینل کینگرٹ نے ابوظہبی سائیکل ریس کا تیسرا مرحلہ جیت لیا ۔ ابوظہبی میں جاری سائیکل ریس کا تیسرا مرحلہ 140 کلومیٹر پر مشتمل تھا ۔ ایونٹ میں شریک سائیکلسٹس ٹریک پر مہارت دکھاتے ہوئے سبقت لے جانے کی کوشش کرتے رہے ۔

(جاری ہے)

ایسٹونیا کے ٹینل کینگرٹ نے عمدہ کارکردگی دکھائی اور سرفہرست رہے ۔ یہی نہیں ایونٹ میں مجموعی طور پر ٹینل کینگرٹ کا پہلی پوزیشن پر راج قائم ہے ۔ فرانسیسی سائیکلسٹ نکولس روچے نے دوسرے نمبر پر فنش لائن کو پار کیا جبکہ ایریٹریا کے رائیڈر میکسیب ڈیبیسے نے پوڈیم پر تیسرے نمبر پر قبضہ جمایا ۔