بنگلہ دیش پریمیئر لیگ کا فائنل میچ کل کھیلا جائیگا

ڈھاکا ۔ (اُردو پوائنٹ اخبارتازہ ترین - اے پی پی۔ 08 دسمبر2016ء) ڈھاکا ڈائنا مائٹس اور راجشاہی کنگز کی ٹیمیں بنگلہ دیش پریمیئر لیگ (بی پی ایل) کے فائنل میں پہنچ چکی ہیں اور دونوں ٹیموں کے درمیان بنگلہ دیش پریمیئر لیگ (بی پی ایل) کا فائنل کل جمعہ کو شیر بنگلہ نیشنل سٹیڈیم، میر پور میں کھیلا جائیگا۔

(جاری ہے)

ڈھاکا ڈائنا مائٹس کی ٹیم نے کوالیفائر ون میں کھلنا ٹائٹنز کو 54 رنز سے شکست دیکر لیگ کے فائنل کے لئے کوالیفائی کی تھا جبکہ راجشاہی کنگز نے کوالیفائر ٹو کا میچ 7 وکٹوں سے جیت کر فائنل تک رسائی حاصل کی۔

فائنلسٹ ٹیموں کے درمیان فائنل میچ پاکستان کے معیاری وقت کے مطابق 5 بجکر 15 منٹ پر شروع ہوگا۔ لیگ انتظامیہ کے مطابق فائنل کے تمام تر انتظامات مکمل کرلئے گئے ہیں اور لیگ کا اختتام شاندار انداز میں کیا جائیگا۔ دونوں ٹیموں کے کپتانوں نے فائنل میں کامیابی کے لئے بیانات دیئے ہیں اور توقع کی جارہی ہے کہ فائنل سخت اور کانٹے دار ہوگا۔