یووراج سنگھ نے ون ڈے میں مارک وا اور مارون اتاپتو سے آگے نکل گئے

کولکتہ ۔ (اُردو پوائنٹ اخبارتازہ ترین - اے پی پی۔ 23 جنوری2017ء) بھارتی کرکٹ ٹیم کے مایہ ناز آل رائونڈر یووراج سنگھ نے ایک روزہ بین الاقوامی کرکٹ میں مارک وا اور مارون اتاپتو کے زیادہ رنز کا ریکارڈ توڑ دیا۔

(جاری ہے)

یوراج سنگھ نے انگلینڈ کے خلاف تیسرے اور آخری ون ڈے انٹرنیشنل میں 45 رنز بنائے، اس طرح ان کے ون ڈے میں رنزوں کی تعداد 8539 ہوگئی ہے جس میں 14 سنچریاں اور 51 نصف سنچریاں شامل ہیں۔

سابق آسٹریلوی بلے باز مارک وا نے 8500 جبکہ سابق سری لنکن بلے باز اتاپتو نے 8529 رنز بنا رکھے ہیں، اس طرح اب یوراج سنگھ ان دونوں بلے بازوں کو پیچھے چھوڑتے ہوئے زیادہ رنز بنانے والوں کی فہرست میں 21ویں نمبر پر آگئے ہیں۔ ایک روزہ کرکٹ کی تاریخ میں زیادہ رنز بنانے کا عالمی اعزاز سچن ٹنڈولکر کو حاصل ہے جنہوں نے 18426 رنز بنا رکھے ہیں۔