پاکستان سكور: 187
ویسٹ انڈیز سكور: 241
نتیجہ: ویسٹ انڈیز نے 54رنز سے فتح حاصل کی
بہترین كھلاڑی: ڈبوئن اسمتھ
تفصیل: سبائنا پارک میں میگاایونٹ کے پہلے میچ میں پاکستانی کپتان نے ٹاس جیت کر پہلے فیلڈکا فیصلہ کیا ۔ویسٹ انڈیز نے اپنی اننگز کا آغاز کیا تو میزبان ٹیم کے اوپنر کرس گیل 2رنز بنانے کے بعد عمر گل کا شکار ہوگئے۔ون ڈاؤن پوزیشن پر آنے والے ساروان نے عمدہ کھیل کا مظاہرہ کیا ۔گیل کے دوسرے ساتھی اوپنر چندرپال نے محتاط رویہ اختیار کیے رکھا اور 63گیندوں پر 19صرف رنز بنانے کے بعد کامران اکمل کے ہاتھوں راؤافتخار کی گیند پر کیچ آؤٹ ہوئے۔چندرپال کے آؤٹ ہوتے ہی نئے آنے والے بیٹسمین مولن سیموئلز نے جارحانہ رویہ اختیار کرتے ہوئے محض 70بالوں پر 3چھکوں اور پانچ چوکوں کی مددسے 63رنز بنائے انہیں شعیب ملک نے محمد حفیظ کی گیند پر لانگ آن پر کیچ آؤٹ کیا۔ویسٹ انڈیز کے دوسرے ٹاپ اسکورر ساروان تھے جو ایک رنز کی کمی سے اپنی نصف سنچری مکمل کرنے سے پہلے ہی راؤافتخار کی گیند پر یونس خان کے ہاتھوں کیچ آؤٹ ہوگئے میزبان کپتان برائن لارا نے 36رنز اسکور کیے انہیں بھی کامران اکمل نے حفیظ کی گیند پر کیچ آؤٹ کیا۔لیٹ آرڈر پوزیشن پر بیٹنگ کرتے ہوئے ڈیوئن اسمتھ نے انتہائی جارحانہ انداز میں محض 15بالوں پر 3چوکوں اور 2چھکوں کی مددسے 32رنز اسکور کیے ۔ میزبان ٹیم نے پہلے کھیلتے ہوئے مقرر اوورز میں 241رنز بنائے ۔پاکستان کی جانب سے راؤ افتخار 3عمر گل اور محمد حفیظ 2,2وکٹیں حاصل کرنے میں کامیاب ہوئے۔ جواب میں پاکستان ٹیم نے اپنی اننگز کا آغا زکیا تو اننگز کی دوسری گیند پر چھکا لگانے کے مارنے کے بعد عمران نذیر اس سے اگلی ہی بال پر کیپر کے ہاتھوں کیچ آؤٹ ہوگئے۔اس کے بعد وقفے وقفے سے پاکستانی وکٹیں گرتی رہی ۔پاکستان کے دوسرے آؤٹ ہونے والے بیٹسمین یونس خان تھے جو کہ ایک غیر ذمہ دارنہ اسٹروک کھیلتے ہوئے کیپر کے ہاتھوں کیچ آؤٹ ہوئے ۔پاکستان کی جانب سے سب سے زیادہ رنز شعیب ملک نے 65رنز بنائے جبکہ دوسرے ٹاپ اسکورر محمد یوسف تھے جنہوں نے 37رنز بنائے۔ویسٹ انڈین بولرز نے شاندار بولنگ کی اور پاکستانی ٹیم 47.2اوورز میں 187رنز بناکر آؤٹ ہوگئی۔ آٰل راؤنڈر ڈیوئن سمتھ کو برق رفتار 32رنز اور تین اہم وکٹں حاصل کرنے پر مین آف دی میچ کا ایواڈ دیا گیا۔