لاہور(اردوپوائنٹ سپورٹس ڈیسک05جون2008) ساؤتھ ایشین فیڈریشن (ساف) فٹبال چیمپئن شپ کے پہلے میچ میں میزبان مالدیپ نے پاکستانی ٹیم کو 3-0 سے شکست دیدی۔ پاکستان ٹیم نے عمدہ کھیل کا مظاہرہ کیا لیکن ہوم کراؤڈ اور گراؤنڈ ہونے کا فائدہ میزبان ٹیم کو حاصل رہا۔ پاکستانی ٹیم نے پہلے ہاف میں عمدہ کھیل کا مظاہرہ کیا لیکن کھیل کے 47 ویں منٹ میں میزبان کھلاڑی نے میچ کا پہلا گول اسکور کرکے اپنی ٹیم کو برتری دلا دی۔ پاکستانی نژاد انگلینڈ کے کھلاڑی ذیشان جن سے چیمپئن شپ کے دوران کافی امیدیں تھیں وہ پہلے میچ میں ان فٹ ہوجانے کے باعث شرکت نہیں کرسکے جبکہ عدنان اور عاطف نے میچ میں شرکت کی۔ پہلے ہاف کے اختتام پر میزبان ٹیم کو ایک صفر کی برتری حاصل تھی۔ دوسرے ہاف کے آغاز پر ہی میزبان ٹیم نے ایک عمدہ موو بنائی اور میچ کا دوسرا گول اسکورکردیا کھیل کے اختتام سے چند منٹ قبل مالدیپ کے اسٹرائیکر نے خوبصورت سیلف گول کرکے ٹیم کو 3-0 سے فتح دلا دی۔ جمعرات کو چیمپئن شپ میں پاکستانی ٹیم روایتی حریف بھارت کے خلاف اہم میچ کھیلے گی۔ بھارتی ٹیم کے پہلے میچ میں نیپال کے خلاف کامیابی کے بعد حوصلے بلند ہیں اور وہ اس میچ میں پاکستان پر بھرپور دباؤ ڈالنے کی کوشش کرے گی۔ اس سے قبل پاکستان اور بھارت کے درمیان 21 میچز ہوچکے ہیں جن میں پاکستان نے تین اور بھارت نے 11 میچوں میں فتح حاصل کی ہے۔ سات میچ بغیر کسی نتیجے کے ختتم ہوئے۔