لیور پول(اردوپوائنٹ سپورٹس ڈیسک15مئی 2008) آسٹریلوی کھلاڑی ڈیوڈ پامر نے انگلینڈ کے جیمز ول اسٹروپ کو اپ سیٹ شکست دیکر برٹش اوپن اسکواش کا ٹائٹل حاصل کرلیا۔ ویمنز مقابلوں کے فائنل میں ملائشیا کی نکول ڈیوڈ نے انگلینڈ کی جینی ڈنکاف کو ہرا کر مسلسل چوتھی بار چیمپئن شپ جیتنے کا اعزاز حاصل کیا۔ نمبر پانچ سیڈ ڈیوڈ پامر نے 111 منٹ تک نمبر چار سیڈ لوکل بوائے جیمز کا سامنا کیا۔ جس میں 11-9، 11-9، 8-11، 6-11 اور 11-10 سے کامیابی ڈیوڈ کے حصے میں آئی۔ یہ ان کے کیریئر کا چوتھا برٹش اوپن ٹائٹل ہے۔ یارکشائر سے تعلق رکھنے والے نمبر چھ سیڈ جیمز ول اسٹروپ اور نمبر سات سیڈ آسٹریلین ڈیوڈ پامر کے درمیان مقابلہ سخت رہا۔ دونوں کھلاڑیوں کے درمیان فائنل سے قبل 13 مقابلے ہوئے جن میں پلہ ڈیوڈ پامر کا بھاری رہا ہے۔ انہوں نے سات میچز میں فتح حاصل کی جبکہ جیمز ول اسٹروپ کے حصے میں چھ میچز میں فتح آئی۔ ویمنز فائنل میں مقابلہ نسبتاً آسان رہا۔ ٹورنامنٹ کی ہیٹ ٹرک مکمل کرنے والی ملائشین نکول ڈیوڈ چوتھے فائنل میں جینی کو زیر کرنے کیلئے 40 منٹ کا وقت لیا۔ نمبر ون سیڈ نکول نے نمبر پانچ جینی کو 9-1، 10-8 اور 9-0 سے شکست دی۔ فائنل سے قبل نکول ڈیوڈ اور جینی ڈنکالف کے درمیان 9 مقابلے ہوئے جن میں سے سب میں نکول فاتح رہیں۔