ناگپور (اردوپوائنٹ سپورٹس رپورٹر) بھارت نے آسٹریلیا کو آخری ٹیسٹ میں شکست دے کر اس کا غرور مٹی میں ملا دیا ، ناگپور میں کھیلے گئے آخری ٹیسٹ میں بھارت نے آسٹریلیا کو 172 رنز سے شکست دے کر چار میچوں کی سریز دو صفر سے جیت لی ۔بنگلور میں کھیلے گئے آخری ٹیسٹ میں بھارت نے ٹاس جیت کر پہلے بیٹنگ کا فیصلہ کیا تھا اور اپنی پہلی اننگز441 رنز بنائے جس کے جواب میں آسٹریلیا کی ٹیم 355 رنز بنا سکی ۔بھارت نے 86 رنز کی برتری کے ساتھ اپنی دوسری اننگز کا آغاز کیا اور اوپنرز کے علاوہ کوئی بھی بھارتی بلے باز خاطر خواہ کارکردگی کا مظاہرہ نہ کر سکا اور پوری ٹیم 295 رنز بنا کر آوٹ ہو گئی اور آسٹریلیاکو جیتنے کے لئے 382 رنز کا ہدف دیا ۔ آخری اننگز میں اوپنر میتھیو ہیڈن کے علاوہ کوئی بھی بیٹسمین بھارتی باوٴلرز کا جم کر مقابلہ نہ کر سکا اور پوری ٹیم 209 رنز بنا کر پولین لوٹ گئی ۔میچ میں بھارت کی جانب سے لٹل ماسٹر سچن ٹنڈولکر جب کہ آسٹریلیا کی جانب سے سائمن کیچ نے سنچریاں اسکور کیں ۔آسٹریلیوی باوٴلرز جیسن کریجا کو شاندار پرفارمنس پر مین آف دی میچ کا ایوارڈ دیا گیا ، جیس کریجا نے میچ میں مجموعی طور پر 12 وکٹیں حاصل کیں جب کہ بھارتی فاسٹ باوٴلر ایشانت شرماکو سریز کا بہترین کھلاڑی قرار دیا گیا انہوں نے پندرہ وکٹیں حاصل کیں۔میچ کے بعد انٹرویو میں آسٹریلیو ی کپتان رکی پونٹنگ نے کہا کہ بھارت سے شکست پر انہیں دکھ ہے تاہم وہ مستقبل میں اپنی خامیوں پر قابو پانے کی کوشش کریں گے ۔ انہوں نے کہا کہ میچ میں بھارت نے شاندار باوٴلنگ کا مظاہرہ کیا ۔جبکہ بھارتی کپتان مہندرا سنگھ دھونی نے کامیابی کو ٹیم ورک کا نتیجہ قرار دیتے ہوئے کہا کہ تمام کھلاڑیوں نے جیتنے کے لئے بھر پور کوشش کی اور انہیں امیدہے کہ آئندہ بھی کھلاڑی اسی طرح محنت کریں گے ۔