لاہور(اردوپوائنٹ سپورٹس ڈیسک17-نومبر2007) پاکستان کرکٹ بورڈ کی سلیکشن کمیٹی نے بھارت کے خلاف3 ٹیسٹ میچوں کی سیریز کا اعلان کر دیا۔15 رکنی ٹیم میں شاہد آفریدی جگہ بنانے میں کامیاب نہیں ہوسکے جبکہ کمک کے طور پر جانے والے وکٹ کیپر سرفراز احمد کو بھی15 رکنی سکواڈ میں شامل کرلیا گیا، فاسٹ باؤلر محمد سمیع کو راؤ افتخار انجم کی جگہ ٹیم میں شامل کیا گیا ہے۔ تاہم ڈومیسٹک کرکٹ میں ان کی کارکردگی تسلی بخش نہیں رہی لیکن ذرائع کے مطابق ان کو کراچی کرکٹ ایسوسی ایشن کے زبردست اصرار کے بعد ٹیم میں شامل کرلیا گیا۔ مڈل آرڈر میں فیصل اقبال کا اضافہ کیا گیا ہے۔ سپنر کے طور پر لیگ سپنر دانش کنیریا کو ٹیم کا حصہ بنایا گیا ہے وہ ساؤتھ افریقہ کے خلاف ہوم سیریز میں نمایاں کارکردگی کا مظاہرہ نہیں کر سکے تھے۔ اس طرح ٹیم میں دو ریگولر سپنرز، 4 فاسٹ باؤلرز، دو وکٹ کیپر اور7 بلے باز شامل کئے گئے ہیں۔ جنوبی افریقہ کے خلاف ہوم سیریز میں سہیل تنویر کو موقع نہیں ملا تھا اور نہ ہی ان کو سکواڈ میں شامل کیا گیا تھا لیکن اب حیران کن طور پر ان کی ٹیسٹ سکواڈ میں شمولیت ہوئی ہے۔ قومی ٹیم آخری ون ڈے کے بعد بھارت کے خلاف3 ٹیسٹ میچوں کی سیریز میں حصہ لے گی۔ ٹیسٹ میچ دہلی، کولکتہ اور بنگلور میں کھیلے جائیں گے۔ سلیکشن کمیٹی کے چیئرمین نے کہا کہ دستیاب کھلاڑیوں میں سے بہترین کو چنا گیا۔ حال ہی میں ہونے والی ساؤتھ افریقہ کے خلاف ہوم سیریز میں کھلاڑیوں کی کارکردگی کا خصوصی طور پر جائزہ لیا گیا۔ انہوں نے توقع ظاہر کی کہ کھلاڑی بھارت کے خلاف ٹیسٹ سیریز میں اچھی کارکردگی کا مظاہرہ کریں گے۔ اعلان کردہ سکواڈ میں شعیب ملک، یونس خان، محمد یوسف، سلمان بٹ، یاسر حمید، فیصل اقبال، مصباح الحق، وکٹ کیپرز کامران اکمل اور سرفراز احمد، شعیب اختر، عمر گل، سہیل تنویر، محمد سمیع، دانش کنیریا اور عبدالرحمن شامل ہیں۔ دونوں ملکوں کے درمیان پہلا ٹیسٹ 22نومبر سے فیروز شاہ کوٹلہ سٹیڈیم دہلی میں