بیجنگ ( اردوپوائنٹ سپورٹس ڈیسک ) بیجنگ اولمپک کی افتتاحی تقریب کی پہلی کامیاب فل ڈریس خفیہ ریہرسل گزشتہ روز ہوئی جسے ایک کامیاب ایونٹ کہا جارہا ہے۔ یہ ریہرسل جمعرات کو سخت سیکورٹی میں رات میں نیشنل اسٹیڈیم میں منعقد ہوئی۔ اس میں شاندار مظاہرہ کیا گیا۔ اسے ”برڈنیسٹ“ کے نام سے پہچانا جاتا ہے۔ یہ اسٹیل کی پلیاں کا لنٹر لاکنگ ڈھانچہ ہے۔ گزشتہ رات کو ڈریس ریہرسل ہوئی جو بہت زیادہ کامیاب رہی۔یہ بات بیجنگ گیمز آرگنائزنگ کمیٹی کے ترجمان سن ویئر نے حکومت کے زیر نگرانی نکلنے والے اخبار میں شائع ہونے والی تفصیل بتائی۔ 10 ہزار سے زائد پرفارمرز 50 منٹ کے بلاک بسٹر شو میں جو تین سال سے ہو رہا ہے شرکت کی اور تمام شرکاء نے خفیہ طور پر اس کا حلف اٹھایا ہے اور اس سلسلے میں بہت کم پروگرام کی تفصیل کا انکشاف ہوا ہے۔ جمعرات کو اسٹیڈیم کو پیراملٹری پولیس نے جو آٹومیٹک ہتھیار سے لیس تھی گھیرا ڈالا تھا۔ یہ شو 8 اگست کو ہونے والی تین گھنٹے کی افتتاحی تقریب کے پروگرام کا ایک حصہ ہے۔ اس پروگرام سے گیمز کا آغاز ہوگا اس میں ایتھلیٹس کی پریڈ اور اولمپک شمع کو روشن بھی کیا جائے گا۔ مشہور چینی فلم بنانے والے ژانگ میمو ڈائریکٹر نے افتتاحی اور اختتامی تقاریب کے بعد ایک انٹرویو میں جو جمعہ کے دن ریلیز ہوا ہے کہا ہے کہ یہ چین کے کلچر کے بارے میں بور کرنے والا تاریخی سبق نہیں ہے۔ کامیاب فلموں کے ڈائریکٹر ژانگ نے کہا کہ وہ شائقین کو جن میں ٹی وی آڈینس اربوں میں ہوں گے اور وہ اچھا وقت گزاریں گے۔ ہم صرف چین کی پانچ ہزار سال کی تاریخ کافن پیش نہیں کر رہے ہیں، ہم بہترین شو پیش کرنا چاہتے ہیں تاکہ شائقین انجوائے کریں۔ یہ بیجنگ اولمپک کی خدمات کا بنیادی پوائنٹ ہوگا۔ ژانگ نے پروگرام کی تفصیل نہیں بتائی لیکن دوسرے ڈائریکٹر وانگ چاوٴگی نے جو ان کے ماتحت کام کر رہے ہیں نے کہا کہ پرفارمنس میں مئی 12 کے زلزلہ زدگان کو خراج عقیدت پیش کیا جائے گا۔