قبائلی علاقوں میں ازبک اور تاجک موجود ہیں ۔اور خطرہ ہے کہ نائن الیون جیس واقعہ پھر نہ رونما ہوجائے ۔وزیر اعظم یوسف رضا گیلانی:
اسلام آباد(اُردو پوائنٹ اخبار تازہ ترین۔14جولائی۔2008ء)وزیراعظم سید یوسف رضا گیلانی نے کہا ہے کہ قبائلی علاقوں میں تاجک ، چیچن اور ازبک جنگجو موجود ہیں اور خدشہ ہے کہ نائن الیون جیسا واقع دو بارہ پیش نہ آجائے ۔وزیراعظم سیکرٹریٹ میں صحافیوں سے گفتگو کرتے ہوئے وزیراعظم نے کہا کہ امریکہ دہشت گردی کے خلاف جنگ میں پاکستان کی تین نکاتی حکمت عملی کی حمایت کرتا ہے ۔انہوں نے کہاکہ ہم انے اتحادیوں پر واضحکردیا ہے کہ امریکہ ہمارے معاملات میں مداخلت اور نہ خود مختاری پر حملہ کرے گا۔ انہوں نے کہا کہ جو غیر ملکی پاکستانی سرزمین پرموجود ہیں وہ اپنے علاقوں کو واپس چلے جائیں تاکہ یہاں امن قائم ہو۔وزیراعظم نے واضع کیا کہ امن کے قیام تک حکومتی کوششیں جاری رہیں گی انہوں نے کہا کہ کابینہ میں توسیع سمیت تمام فیصلے اتحادی جماعتوں کواعتماد میں لے کر کیئے جائیں گے ۔وزیراعظم کا کہنا تھا کہ میاں نواز شریف انہیں چھوڑ کر کہیں نہیں جائیں گے جبکہ اہم معملات پر مزکرات کے لیئے انہوں نے چودھری نثار علی خان کو نامزد کر دیا ہے ۔وزیراعظم نے کہا کہ وہ کابینہ کو اعتماد میں لینے کے بعد حکومت کی سو روزہ کارکردگی کے حوالے سے قوم کو بھی اعتماد میں لیں گے ۔اس سے قبل وزیراعظم نے موٹروے پولیس کی کارکردگی کو سراہتے ہوئے وی ائی پی کلچر کے خاتمے پر زور دیا اور نمایاں کارکردگی کے حامل پولیس اہلکاروں میں ا نعامات تقسیم کیئے ۔