Bachon Ki Sehat Ka Inhisar Tareekh E Paidaish Par Bhi Hai - Article No. 1338
بچوں کی صحت کاانحصار تاریخ پیدائش پربھی ہے - تحریر نمبر 1338
نئے مطالعہ کی روشنی سے پتا چلتا ہے کہ موسم گرما میں پیداہونے والے بچوں میں صحت مند ہونے کا امکان دوسرے موسموں میں پیدا ہونے والے بچوں کے مقابلے میں زیادہ تھا۔
بدھ 28 اکتوبر 2015
سائنس دان کاخیال ہے کہ پیدائش کاموسم بچوں کے وزن اور بلوغت کی عمر کومتاثر کرتا ہے اور جس کے نتائج ایک بالغ شخص کی مجموعی صحت اور اُس کے قد پرظاہر ہوتے ہیں۔
برطانوی سائنس دانوں کے مطابق اس کاسبب یہ ہوسکتا ہے کہ ماں نے حمل کے دوران سورج کی زیادہ روشنی حاصل کی تھی اور نوزائیدہ بچے کووٹامن ڈی کی زائد مقدار منتقل کی تھی۔محققین نے لگ بھگ 450مردوں اور عورتوں کی نشوونما کاموزانہ کیا۔
(جاری ہے)
کیمبرج یونیورسٹی کے محققین کے مطابق پیدائش سے پہلے ماں کے پیٹ میں ملنے والے ماحول سے بچے ک ابتدائی زندگی پرفرق پڑتاہے۔
جس میں پیدائش سے پہلے کی صحت بھی شامل ہے،جو کہ بعد کی زندگی پر اثر کرتی ہے اور یہ اثر پروگرامنگ کہلاتا ہے جس کے نتائج بچپنے سے لے کرنوجوانی تک نظر آتے ہیں۔کیمبرج یونیورسٹی کے شعبہ میڈیکل ریسرچ کونسل ایم آر سی ایپی ڈیمیولوجی سے محققین نے یکھا کہ پیدائش کے موسم کابچوں کے پیدائش وزن اور لڑکیوں کی بلوغت کی عمر پر اثر تھا جو بالغ ہونے پر اُن کے قد پر اثرانداز ہوا تھا۔
نتائج سے یہ بات سامنے آئی کہ موسم گرمامیں پیدا ہونے والے بچے پیدائش کے وقت وزنی تھے اور بڑے ہونے کے بعد دوسرے موسموں میں پیدا ہونے والے بچوں کی نسبت اُونچے قد کے تھے۔
علاوہ ازیں اُن میں موسم سرما میں پیداہونے والے بچّوں کے مقابلے میں بلوغت کاآغاز دیر سے ہواتھا۔مطالعہ کے مصنف ڈاکٹر جان پیری کاکہنا ہے کہ پیدائش سے قبل ماحول کے اثرات کی شناخت کے لیے ہم نے ایک طاقتور مطالعہ ڈیزائن کیا جس کی مدد سے پیدائش کے ہر مہینے کے ساتھ یہ پیٹرن ڈھونڈنے کی کوشش کی گئی۔
پچھلے کئی مطالعوں میں پیدائش کے وقت کے ساتھ وزن اور صحت کے دیگر مسائل کومنسلک کیا گیا تھا تاہم ڈاکٹر پیری اور اُن کی ٹیم کاخیال ہے کہ بچوں کی ابتدائی زندگی اور نشوونما اور ترقی سمیت بلوغت کااہم کردار یت لہذا انھوں نے باریک بینی سے پیدائش کے ماہ کے اثرات کامطالعہ کرنے کافیصلہ کیا۔ اُن کے تجزیے سے جونتیجہ سامنے آیا اس کے مطابق جون،جولائی اور اگست میں پیداہونیو الے بچے پیدائچ کے وقت وزنی تھے اور بالغ ہونے پر اُن کاقدلمبا تھا۔
دوسری جانب تحقیق سے یہ بھی انکشاف ہواکہ موسم گرما میں پیداہونے والی لڑکیوں بلوغت کاآغاز دیر سے ہوتا ہے جوکہ اُن کی بعد کی زندگی میں بہتر صحت کااشارہ ہے ڈاکٹر جان پیری کاکہنا تھا کہ یہ پہلی بارہوا ہے کہ بلوغت کے وقت کوپیدائش کے موسم کے ساتھ منسلک کیا گیا ہے۔
محققین کویقین ہے کہ موسم گرما اور موسم سرما میں پیداہونے والے بچوں کے درمیان اختلافات کوکم کیا جاسکتا ہے لیکن اس کے لیے یہ معلوم ہونا چاہیئے کہ ماں کوحمل کے دوران کتنی سورج کی روشنی حاصل کرنی چاہیئے اور حمل کے دوران اُس کاوٹامن ڈی لیول کتنا ہونا چاہیئے۔
اُنہوں نے مزید کہا کہ ہمارے نتائج سے ثابت ہوا ہے کہ پیدائش کامہینہ صحت پر ایک قابل پیمائش اثر ڈالتا ہے لیکن اس طریقہ کارکو پوری طرح سمجھنے کے لیے مزید مطالعوں کی ضرورت ہے۔
Browse More Special Articles for Women
رنگِ حنا اور کھنکتی چوڑیاں
Rang E Hina Aur Khanakti Chooriyan
رمضان شاپنگ مہنگائی کا علاج سادگی
Ramadan Shopping Mehngai Ka Ilaj Saadgi
چھوٹے بچے روزہ رکھیں تو والدین کیا کریں
Chote Bache Roza Rakhain To Waldain Kya Karen
رمضان اور خواتین کے معمولاتِ زندگی
Ramzan Aur Khawateen Ke Mamolat E Zindagi
رمضان سے پہلے رمضان کی تیاری ہے بہت ضروری
Ramzan Se Pehle Ramzan Ki Tayari Hai Bahut Zaroori
ذہین بچے کی پیدائش کے لئے حمل کے دوران مخصوص غذائیں
Zaheen Bache Ki Paidaish Ke Liye Hamal Ke Douran Makhsoos Ghizain
جیولری کی ورائٹی سے جگمگاتی دنیا
Jewellery Ki Variety Se Jagmagati Duniya
زیورات بتائیں شخصیت کے راز
Zewrat Bataain Shakhsiyat Ke Raaz
ورسٹائل ٹرے ․․․ ہر گھر کی ضرورت
Versatile Tray - Har Ghar Ki Zaroorat
موسم کی تبدیلی پر الماری کی ترتیبِ نو
Mausam Ki Tabdeeli Par Almari Ki Tarteeb E Nau
دیدہ زیب ست رنگی چوڑیاں
Deeda Zaib Sat Rangi Choriyon
اِک قوسِ قزح ہے رقصاں
Ik Qaus E Qaza Hai Raqsaan