Martha Graham 1894 To 1991 - Article No. 1441
مارتھا گراہم(1894ء تا1991ء) - تحریر نمبر 1441
سوانح نگار ایگنس ڈی ملے نے ڈانسر، کو ریوگرافر اوراستاد مارتھا گراہم کو ایک ایسی عورت کے طور پر بیان کیا” جس نے اپنے فن میں کسی بھی اورواحد آرٹسٹ کی نسبت زیادہ بڑی تبدیلی پیدا کی۔
منگل 5 اپریل 2016
(جاری ہے)
مارتھاگراہم Alleghenyپنسلوانیا میں پیداہوئی اور تین بہنوں میں سب سے بڑی تھی۔
1911ء میں رُوت سینٹ ڈنیس کے ایک پروگرام میں شرکت کے بعد گراہم کے دل میں ڈانسر بننے کا شوق پیدا ہوا۔ جیسا کہ اُس نے بعد مین لکھا” مس روت نے میرے لیے ایک دروا کیااور میں نے زندگی کو دیکھا۔ 1916ء میں گراہم Denishawnسکول آف ڈانسنگ میں داخلہ لینے کی غرض سے لاس اینجلس چلی گئی۔یہ سکول سینٹ ڈینس اور اُس کا ڈانسر وکوریوگرافر شوہر ٹیڈ شان چلاتے تھے۔ شروع میں وہ بہت شرمیلی اور بے ڈھنگی تھی لیکن آہستہ آہستہ ڈانس میں پراعتماد ہوتی گئی۔ اس ترقی میں میوزیکل ڈائر یکٹرلوئس کا بڑا ہاتھ تھا ۔ ہارسٹ آئندہ تیس برس تک گراہم کے ساتھ بطور استاد اورساتھی ڈانسر کے کام کرتا رہا۔
1920ء میں گراہم نے Denishawnکمپنی میں پہلی بار فن کا مظاہرہ کیا۔ اُس نے آزٹک سے متاثر بیلے ڈانس پیش کیا تھا۔ وہ 1923ء تک کمپنی کے لیے ڈانس کرتی رہی اور پھر ہارسٹ کے مشورے پر Greenwich Village Folliesمیں شامل ہوگئی ۔ Foillesکے ساتھ سولوڈانسر کے طور پر اُس نے جدید ڈانس کی سٹینڈرڈ themesپر کام کیا۔ Foillesکے لیے دوسال تک کام کرنے کے بعد گراہم نے ایسٹ مین سکول آف میوزک “ (روچیسٹر، نیویارک) میں پڑھانے کاعہدہ قبول کرلیا۔ یہاں کام کے دوران اُس نے اپنے جسم کو کچھ انوکھنے انداز اور طریقے سے حرکت دینے کی تربیت حاصل کی۔اُس کے تخلیق کردہ نئے انداز میں اندرونی جذبات کو جسم کے ذریعہ پیش کرنا مشکل تھا۔ اُس نے کہا: آج ک زندگی تیکھی اور زگ زیگ ہے۔ یہ اکثر عین ہوا میں ٹھہر جاتی ہے۔ میں اپنے ڈانسر میں اسی چیز کوپیش کرنا چاہتی ہوں۔
1926ء میں گراہم نے نیویارک کے 48thسٹریٹ تھیئٹر“ میں پہلے خود مختار ڈانس کنسرٹ میں اپنانیا انداز پیش کیا۔ روایت پسندوں نے شدید تنقیدکی۔ تاہم، گراہم کے مداحوں میں اضافہ ہوتا گیا۔ اُس کی نظر میں مداح ہی کامیابی کی اصل کسوٹی تھے۔ 1930ء میں لیوپولڈ سٹوکووسکی کی دعوت پروہ Right of Springمیں ڈانس کرنے گئی اور شہرت حاصل کی۔
1930ء کی دہائی کے دوران مارتھا گراہم نے ” مارتھا گراہم سکول آف Contemporaryڈانس اورمارتھا گراہم کمپنی آف ڈانسرز“ کی بنیاد رکھی۔ یہ دونوں ہی ادارے دنیابھر میں مشہور ہوئے۔ 1934ء میں اُس نے ورمونٹ کے بیننگٹن کالج میں موسم گرما کی ورکشاپس میں پڑھانا شروع کیا۔ یہیں پر اُس نے اپنا ایک شاہ کار Letter to the worldتخلیق کیا جوا یمیلی ڈکنسن کی شاعری اور داخلی زندگی پرمبنی تھا۔ امریکی themesاور ڈانسز میں گراہم کی دلچسپی کا نقطہ عروج مشہور ترین بیلے Appalachian Spring“ (1944ء ) تھا۔ تب وہ فرائیڈین اور ینگین موضوعات کی جانب آئی اور تاریخی کرداروں کو اپنے دانس میں پیش کیا۔ 1943ء میں Deaths and Entrancesمیں برونئے سسٹرزاور گراہم کے اپنے خاندان سے لیے گئے کردار شامل تھے۔ 1949ء میں گراہم نے ایرک ہاکنز سے شادی کرلی جواُس کا ڈانسنگ پارٹنر اور محبوب تھا۔ شادی کامیاب نہ رہی اور دوسال بعد ہی علیحدگی ہوگئی۔
گراہم کواپنے طویل کیرئیرکے دوران متعدد اعزازات اور انعامات ملے۔ 1957ء میں اُس پر بنائی گئی ٹیلی ویژن ڈاکومنٹری A Dacer s worldاور اس کے بیلے کی فلم Nigth Journeyکو کئی ایوارڈز اور ملے۔ 1981ء میں وہ Scrippsامریکن ڈانس فیسٹیول ایوارڈ کی مستحق قرار پائی۔ یہ ڈانس کے شعبے میں دیاگیا سب سے بڑا نقدانعام تھا ۔ گراہم نے اپنی عمرکے ساتویں عشرے میں پہنچنے تک ڈانس کرنا جاری رکھا۔1990ء میں اُس نے اپنی سوانح عمری Blood Memoryلکھی جو 1991ء میں شائع ہوئی۔ 1994ء میں پی بی ایس نے گراہم کی 100ویں سالگرہ کے موقعہ پر اُس کی زندگی پر مبنی ایک ڈاکو منٹری فلم نشر کی۔
گراہم نے اپنی زندگی کے دوران 160سے زائد ڈانسز کو ریوگرافی کی۔ ڈانسرز کی دو پشتوں پر اس کے اثرات پڑے۔ اس کے ڈانس کو” جسم کی روح کی مخفی زبان “ کہاجاتا ہے۔ بے شمارشاگردوں نے اُس کی وضع کردہ تیکنیکوں کو اپنایا۔
Browse More Special Articles for Women
رنگِ حنا اور کھنکتی چوڑیاں
Rang E Hina Aur Khanakti Chooriyan
رمضان شاپنگ مہنگائی کا علاج سادگی
Ramadan Shopping Mehngai Ka Ilaj Saadgi
چھوٹے بچے روزہ رکھیں تو والدین کیا کریں
Chote Bache Roza Rakhain To Waldain Kya Karen
رمضان اور خواتین کے معمولاتِ زندگی
Ramzan Aur Khawateen Ke Mamolat E Zindagi
رمضان سے پہلے رمضان کی تیاری ہے بہت ضروری
Ramzan Se Pehle Ramzan Ki Tayari Hai Bahut Zaroori
ذہین بچے کی پیدائش کے لئے حمل کے دوران مخصوص غذائیں
Zaheen Bache Ki Paidaish Ke Liye Hamal Ke Douran Makhsoos Ghizain
جیولری کی ورائٹی سے جگمگاتی دنیا
Jewellery Ki Variety Se Jagmagati Duniya
زیورات بتائیں شخصیت کے راز
Zewrat Bataain Shakhsiyat Ke Raaz
ورسٹائل ٹرے ․․․ ہر گھر کی ضرورت
Versatile Tray - Har Ghar Ki Zaroorat
موسم کی تبدیلی پر الماری کی ترتیبِ نو
Mausam Ki Tabdeeli Par Almari Ki Tarteeb E Nau
دیدہ زیب ست رنگی چوڑیاں
Deeda Zaib Sat Rangi Choriyon
اِک قوسِ قزح ہے رقصاں
Ik Qaus E Qaza Hai Raqsaan