Badlo Par Hakomatt - Article No. 1664

سچی حکایات:
مدینہ منورہ میں ایک مرتبہ بارش نہیں ہوئی تھی قحط کا سا عالم تھااور لوگ بڑے پریشان تھے ایک جمعہ کے روز حضور ﷺ جب کے وعظ فرما رہے ایک اعرابی اٹھا او ر عرض کرنے لگا یارسول اللہ! مال ہلاک ہوگیا او اولاد فاقہ کرنے لگی دعا فرمائیے بارش ہو حضور ﷺ نے اسی وقت اپنے پیارے پیارے نورانی ہاتھ اٹھائے، راوی کابیان ہے کہ آسمان بالکل صاف تھا ابر کانام ونشان تک نہ تھا مگر مدنی سرکار کے ہاتھ مبارک اٹھے ہی تھے کہ پہاڑوں کی مانند ابرچھا گئے اور چھاتے ہی مینہ برسنے لگا ، حضور ﷺ نے منبر پر ہی تشریف فرماتے کہ مینہ شروع ہوگیا اور اتنا برسا کے چھٹ ٹپکنے لگی اور حضور ﷺ کی ریش انور سے پانی کے قطرے گرتے ہم نے دیکھے پھر یہ مینہ بند نہیں ہوا بلکہ ہفتہ کو بھی برستارہا پھر اگلے دن بھی اور پھر اس سے اگلے دن بھی حتیٰ کے لگاتار اگلے جمعہ تک برستا ہی رہا اور حضور جب دوسرے جمعہ کو وعظ فرمانے اٹھے تو وہی اعرابی جس نے پہلے جمعہ میں بارش نہ ہونے کی تکلیف عرض کی تھی اٹھا اور عرض کرنے لگا یارسول اللہ! اب تو مال غرق ہونے لگا اور مکان گرنے لگے اب پھر ہاتھ اٹھائیے کہ یہ بارش بند بھی ہو چنانچہ حضور نے پھراسی وقت اپنے پیارے پیارے نورانی ہاتھ اٹھائے اور اپنی انگلی مبارک سے اشارہ فرما کر دعا فرمائی کہ اے اللہ ! ہمارے اردگرد بارش ہو ہم پر نہ ہو ، حضور کا یہ اشارہ کرنا ہی تھا کہ جس طرف حضو ر کی انگلی گئی اس طرف سے بادل پھٹتا گیا اور مدینہ منورہ کے اوپر اوپر سب آسمان صاف ہوگیا۔

(جاری ہے)

سبق: صحابہ کرام مشکل کے وقت حضور ہی کی بارگاہ میں فریاد لے کر آتے تھے اور ان کا یقین تھا کہ ہر مشکل یہیں حل ہوتی ہے اور واقعی وہیں حل ہوتی رہی ہے اسی طرح آج بھی ہم حضور ہی کے محتاج ہیں اور بغیر حضور کے وسیلہ کے ہم اللہ سے کچھ بھی نہیں پاسکتے اور حضور ﷺ کی حکومت بادلوں پر بھی جاری ہے۔